Voll ine - Der Sportpodcast

________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Ach isch das es schöns Ruederweekend gsi in Zagreb! D'schwiz bringt 10 Medaille Hei, under anderem 5 goldigi, und z'mitz dinne de Andri, wo en 2. Platz usefahrt. Darum lieferemer dier die ganze Insights us Zagreb direkt ufs Ohr. Usserdem beredemer s'Tennismärli vom Jan-Lennart Struff, wo de Carlos Alcaraz an Rand vo de Verzwiflig bringt und natürli über die bevorstehendi Ishockey-WM in Riga! Als Hauptgang servieremer dier en Dopingskandal wo d'Triathlonszene erschütteret. Wettemer du hesch nonie com Collin Chartier ghört? De Mah hett aber es Erdbebe usglöst und plötzlich stönnd alli under Generalverdacht. Wieso? Das muesch selber usegfinde! Darum, wie immer, VOLL INE lose! De Fall Collin Chartier im Video ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

De Andri rockt jetzt ned nur en Mullet, sondern hoffentlich au die kommendi Ruedersaison! Ganz im Zeiche vo dere redemer usfüehrlich über sini Erwartigshaltig und Ziel und schätzed usserdem au no d'Chance vo de wiitere schwizer Boot ih! Vorher gihts aber no en Top-3 wo ganz im Rahme vo de Schwizermeistertitel vo Genf und YB staht und natürlich em neue Sprintformat ih de Formel 1. Definitiv also wieder öppis für jede debi! Darum, wie immer, VOLL INE lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Die Wuche kei Top 3 und keis Hauptthema, sondern sehr sehr viel Gelabber über die ahstehendi Weltcupsaison vom Andri und über würkli gefühlt alles wo ih de letscht Wuche ih de Sportwelt passiert isch! Alli Newsartikel sind da ih de Shownotes verlinkt: Hyptnosetherapie im Sport NBA erlaubt jetzt s'Kiffe Lewis Hamilton bald nümme Rekordweltmeister? --> Erklärig zum Fall Klimakleber legged d'Formel E lahm Ryan Reynolds holt sin Verein zrugg in Profifuessball Bald Gratis zum Fuessball? Fortuna Düsseldorf machts möglich! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Die Wuche isch wiedermal Labberpodcast ahgseit mit ganz viel gföhrlichem Halbwüsse! Nachdem mier letscht Wuche seriös unterwegs gsi sind, diskutieremer wieder chli lockerer über d'Sportwelt. Mier verzelled eu wieso mier wennd, dass de Damien Brunner mit Biel de Schwizermeistertitel holt, regged eus uf über die französische Behörde, wo d'FC Basel Fans ned uf Nizza lönnd ihreise, uf und bespreched die "lustigste" Dopingfäll ih de Schwiz. Als Hauptgang servieremer eu en Diskussion zum Thema Schwizersportmentalität. Fazit: Schwizer Sportler*inne sind emotionali Chrüppel. Wieso? Das muesch selber usegfinde! Darum wie immer, VOLL INE lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Wie gönnd Spitzesportlerinne mit ihrere Periode um? Welli Hindernins bringt sie mit sich? Wie gahtmer am Tag X mit de Periode um? Das sind alles Frage, wo d'Jungs vo Voll Ine ned chönnd beantworte. Darum hemmer mit de Salome Ulrich en Spitzeruedererin is Boot gholt. Mier chönnd eu verspreche dank de Salome hemmer extrem viel zum Thema döffe lerne und au ier chönnd devo profitiere! D'Salome reded extrem offe über das Thema und hilft eus allne es z'entabuisiere! Soziali Stigmatas, zyklusbasierts Training und de Umgang mit de Periode am Wettkampftag sind nur einige vo de Theme wommer besproche hend! Darum wie immer, VOLL INE lose! ____________________ Folg eus uf Instagram Wenn dier die Folg gfalle hett, würemer eus über en 5-Sternebewertig freue! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Mit bitzli verspötig hemmers au no gschafft! Ih de hüttige Folg redemer über de Dokumentarfilm "The Preasure Game", wo d'Schwizer Fuessballnati hutnöch vor und während dem WM in Katar begleitet. Usserdem belüchtemer d'Konsequenze vom Usschluss vo Transfraue durch de internationali Liechtathletikverband und philosophieret wieso niemer sich für die Olympische Winterspiel 2030 will bewerbe. Statt em Thema vo de Wuche gihts hüt s'Comeback vom ChatGPT Roulette, wommer über die beste Sportfilm aller Ziite redet, die berüehmtiste Sportmoment us de Vergangeheit belüchtet und wiedermal es Statement zu de Verbindig vo Sport und Politik abgennd! Ih dem Sinn, wie immer, VOLL INE lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Eusi hüttigi Gast brucht kei Introduction! Mit em Beni Huggel chummt en FCB- und Schwizer Nati-Legende zu eus is Studio! Er verzellt eus usfüehrlich über sini Karriere inklusive sine High- und Lowlights. Usserdem verzellt er eus wieso sini Trainerkarriere gscheiteret isch, über sini Rolle als SRF-Experte und wie er als Businessmah und Gründer vom Athletes Network die Lücke schlüsse wott, wo er während sinere Karriere erlebt hett zum andere Sportler helfe. Darum VOLL INE lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Eusi hüttigi Gast isch en Fründ vom Hus! Und zwar hemmer de Fadri Barandun, en supersympathische engadiner Mountainbiker, direkt us Südafrika zu eus is Studio gschalte! Er verzellt eus ned nur welli Vorteil es hett in Samedan ufzwachse, sondern wie er als Querihstieger de Sprung zum Profi gschafft hett und was er vo sinere erstmalige Teilnahm am Cape Epic erwartet! Wie jede Gast muess sich de Fadri au eusere Schnellfragerundi stelle und offebart miteme Augezwinkere, dass er sin Partner wür de Löwe zum Frass vorwerfe wenns hert uf hert chummt. Wieso? Das muesch bim zuelose usefinde! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Heiss, heisser, Hubercop! Euses Voll Ine Family Member liefered nach sim Interview bi eus letscht Wuche in Bakuriani mit WM-Bronze s'Highlight vo de Wuche! Usserdem besprechemer ih de Top-3 s'neuste Kapitel um d'Rückkehr vom Mat Flückiger nach de endlose Saga im Summer und bespreched d'Wiederuferstehig vom Fernando Alonso bim erste Saisonrenne ih de Formel 1, ganz zur Freud vom Oscar! Im Thema vo de Wuche belüchtemer es Teil wo sich de Andri in Arm pflanzt hett und bespreched wie ihn das villicht oder villicht au ned zum Supersapiens sell mache! Darum, wie immer, Voll Ine lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Hüt staht alles bi eus bitzeli ufem Chopf, denn eusi Voll Ine Family isch ah de Freestyle-WM in Bakuriani, Georgie, im Ihsatz! Darum hemmer denkt holemer eus doch Stimme vor Ort. D'Alex verzellt eus under anderem wie sie weg de Nachwehe vonere Ghirnerschütterig Forfait hett müesse geh und den Nici giht eus in bester Hubercopmanier Bscheid, wie er nach sim verpatze Final im Slopestyle jetzt im Big Air VOLL INE gaht! Usserdem besprechemer ih de Top-3 vo de Wuche no die ahstehendi Formel 1-Saison inklusive Bewertig vo de neue "Drive To Survive"-Staffle, bespreched wieder was de IOC für en Seich macht und rundet das ganze no ab mit de potentielle Absag von de Rad-WM 2024 in Züri! Darum, wie immer, Voll Ine lose! Timestamps: 00:10:45 - Interview mit Alex Bär 00:29:15 - Interview mit Nici Huber 00:48:30 - Formel 1-Saisonstart und DTS 00:59:00 - Russland und Belarus bi Olympia? 01:07:15 - Wieso isch d'Rad-WM 2024 in Gfahr? ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Wie de Titel verratet übernimmt ChatGPT euse Podcast...Okay, villicht ischs au eifach nur en neui Rubrik! Anyway, KI giht eus vor, dassmer über Sportzitat und E-Sports müend underhalte. Wie das usecho isch? Das muesch selber usegfinde! D'Top 3 hemmer aber no selber bestumme, kei Angst! Es gaht wiedermal um d'Ski-WM, die neue Formel 1-Saison und de IOC, wo Russland und Belarus wott zrugg is Olympiaprogram hole! Ih dem Sinn, Voll Ine lose! Timestamps: 00:07:00 - d'Ski-WM gaht z'End 00:23:30 - Die neue F1-Autos 00:35:45 - s'IOC will Russland und Belarus zrugg bringe 00:45:00 - ChatGPT Sportroulette ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Wie de Titel vo de Folg scho verratet, redemer im Thema vo de Wuche usfüehrlich über Energiemanagement. Konkret luegemer ufd Gsundheit vo de Mitochondrie und stelled fest, wie viel Zemmehäng es zwische ihne und dinere physische Gsundheit, Sport, Regneration, Ernährig & Stress giht. Mier liefered dier aber ned nur d'Theorie, sondern au praktischi Tipps wie du dini Energie besser chasch manage! Vorher redemer ih de Top 3 vo de Wuche aber no über d'Ski-WM, de Superbowl und was es bedütet, dass s'SRF wieder d'Recht für Champions League erworbe hett! Doku zu Energiemanagement: https://www.daserste.de/information/reportage-dokumentation/dokus/sendung/mein-koerper-meine-energie-folge-2-100.html ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Mengisch bruchts ned meh als er herzliches Dankeschön. Danke ah alli wos ermöglicht hend, dass de Andri Zuger Sportler vom Jahr 2022 wurde isch! Darum dreiht sichs ih eusem erste Teil au vor allem um die Gala und mier verzelled eu wie de Sportlehrer wo eus beidi mal usem Skilager gschmisse hett, ih dere ganze Sach involviert gsi isch. Denn luegemer no ufd Ski-WM und stelled fest de Odermatt hett bi Voll Ine de Federer verdrängt. Z'letscht döff de potentielli Untergang vom englische Schwergwicht Manchester City ned z'churz cho, wo under anderem en Punktabzug, de Zwangsabstieg und/oder sogar d'Aberkennig vo Title droht. Wieso? Well, das muesch bim Voll Ine lose usefinde ;) ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Neui Wuche, neui Folg! Voll Ine taucht am Ahfang vo de Folg wieder in Nerdtalk über Ruedere ab! Mier stelled fest, dass bi de Indoormeisterschafte d'Luft ned nur nach Axe-Deo und Testo schmöckt, sondern au dass Ruederer chlini Masochiste sind. Usserdem besprechemer de Sieg vom Novak Djokovic ah de Australian Open und lanciered d'GOAT-Debatte zum 5. Mal ih eusem Podcast. Denn luegemer au no ufd Ski-WM, waged debi de Blick ihd Kristallchugle und fraged eus wie viel Cash de Marco Odermatt eigentlich würkli verdient. De Abschluss macht euse liebi Nati-Captain, de Granit Xhaka, mit sim Kommentar geg de FCB. Langwilig wird eus also definitiv ned! Ih dem Sinn, wie immer, VOLL INE lose! Timestamps: 00:12:45 - De Novak Djokovic gwünnt d'Australian Open 00:28:15 - D'Ski-WM in Courchevel & Meribel gaht los 00:58:15 - Granit Xhaka wüetet geg sin ex-Klub FCB ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Ih dere Folg luegemer uf zrugg. Zrugg ufd Karriere vom Beat Feuz und de Jeannine Gmelin, wo beidi ihre Rücktritt geh hend. Einisch ahkündet und einisch überraschend. Usserdem luegemer au no uf de Transferhammer vo de Lara Stalder zum EV Zug und bespreched was das fürs Schwizer Ishockey bedüted. Im Thema vo de Wuche luegemer uf es revolutionärs Fuessballkonzept und verzelled eu, wieso de Gerard Piqué und sin "Zirkus" de Fuessball übernehmed. Darum, wie immer, VOLL INE lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Ide hüttige Folg gömmer de Wiedergeburt vude Alinghi uf de Grund. In Barcelona stationiert, nimmt sie wieder Fahrt uf richtig Americas Cup 2024. Uf dem Abentür isch au de Nico Stahlberg, ehemaliger Schwizer Top Ruederer, debi. Er verzählt üs, wies Lebe in Barca isch, wie s Training bi RedBull funktioniert und wieso Spioniere bim Americas Cup legalisiert worde isch. I dem Podcast redet zwei ehemaligi Teamkollege über de Wechsel vum Ruedere is Segle und welli Heruseforderige das mit sich bringt. Mega spannend und super Insight us de Welt vum Segel Team Alinghi RedBull Racing. Jetzt aber sofort VOLL INE lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Ih de hüttige Folg hudigemer wieder de Marco Odermatt und vergessed natürli ned d'Mikaela Shiffrin wo sich de Rekord vo Sieg im Weltcup bi de Fraue holt. Zwei Cracks inere eigene Welt. Zuesätzlich belüchtemer de CHL-Halbfinal mitem EV Zug und widmed eus zum Abschluss vo de Top 3 no am Rücktritt vom Gareth Bale oder wie er ih eusem Hot Take gnennt wird, "de meist unterschätzi Spieler vo sinere Generation". Im Thema vo de Wuche widmemer eus eusne Neujahresvorsätz und de Andri verzellt eu wieso er Ziel wichtiger findet als Vorsätz. Ih dem Sinn, wie immer, Voll Ine lose! Timestamps: 00:09:15 - Odermatt und Shiffrin 00:29:30 - CHL Halbfinal 00:47:15 - Rücktritt vom Gareth Bale 00:56:15 - Neujahresvorsätz ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Ih de hütige Folg fallt de Andri us aber es wär ned Voll Ine wennmer eus ned würdige Ersatz würed sueche. Im erste Teil red de Oscar mit em Petar über de Transfer vom Ronaldo und mier fraged eus, ob er sini Karriere ned hätti chönne würdiger beende. Im zweite Teil luegemer mit em Aron uf de Spengler Cup und sini Berechtigung, de "Usraster" vom Damien Brunner bim Interview und die aktuelli U-20 WM in Kanada. Ih dem Sinn, wie immer, Voll Ine lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.