Voll ine - Der Sportpodcast

Häufig erwähnt

• Messi
• Christi
• Ronaldo
• Christian
• Cristiano Ronaldo
• Portugal
• Schweiz
• Evanpool
• Nations League
• Saudi-Arabien
• WM
• EM
• Nazi
• ChatGPT
• Claudio

1. #95 - Voll Ine mit... Kevin Kuhn
   02.11., 04:3002.11.2023, 04:3000:52:58

   Euses Interview mit em Kevin Kuhn isch wie es Radquerrenne: D'Frage sind wie d'Hügel wo er überwinde muess. Mengisch sind sie glatt und liecht zum bewältige, wie asphaltierti Strasse, während anderi so herusfordernd wie schlammigi Passage und Sanstrecke sind. Jedoch ghört euse hüttig Gast ned nur ufem Rad sondern au hinderem Mikro zu de Weltbeste und manövriert sich gschickt dur euse Frageparcours! Mier redet mit em Kevin über sini Sportart Cyclocross - oder ebe volkstümlich Radquer - und fraged eus wiemmer dezue chummt. Usserdem luegemer ufs seltene Profidasi und sis (Teilziit-)lebe in Belgie. Was natürlich au ned fehle döff sind d'Duell gege van der Poel und van Aert. Das und no vieles meh ih de neuste Folg! Darum, wie immer, VOLL INE lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

2. #94 - Struzina im (Podcast)einer
   26.10., 04:3026.10.2023, 04:3000:51:01

   Dasmal probierts de Andri im Alleigang. Also chömed au alli Ruederinteressierte uf ihre Gschmack. Los gads aber mit de Random Frag vom Tag: Wie lang wöred Spitzesportler ide Zombieapokalypse überlebe? Üsi Top3 sind prägt vum Thema Olympia. Mit de mögliche Winterspiel ide Schwiz und de neue olympische Ruederdisziplin hed de Andri ganz viel Persönlichi Asiichte zum ibringe. Es gid definitiv Diskussionsbedarf! Schlussendlich redet er auno über de David Beckham uf Netflix. Riese Groupie…Als hüttigs Hauptthema hämmer d Frage vu Instagram an Andri. Vum lieblings Coiffeur über Ruedergheimnis isch alles debii. Meh verratemer ned, will ihr nämlich jetzt die Folg losed. Und zwar VOLL INE! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

3. #93 - Voll Ine mit... Max Studer
   19.10., 04:3019.10.2023, 04:3000:54:57

   Wer isch die grössti Medaillehoffnig im schwizer Triathlon? Villicht üse hüttig Gast. Und zwar isch de mit em Max Studer en absolute Topcrack bi eus im Interview! Ohni Ufwärme stürzemer eus ih das Interview und redet under anderem vo de Zemmearbeit mit em legendäre Trainer Brett Sutton, sini Erfahrige im Lauftraining in Kenya und am Max sin Traum in Paris 2024 en Olympiamedaille z'hole... Es isch also garantiert Action ahgseit. Darum, wie immer, VOLL INE lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

4. #92 - Saufsportbalance und Antikatertipps
   12.10., 04:3012.10.2023, 04:3001:18:17

   Zerst mal vorweg, sorry fürs Audio :( Aber hey, mier sind zrugg us de Summerpause und das mit vollem Elan! Zerst mal gahts standesgemäss um de neui, alti Weltmeister Max Verstappen und mier fraged eus ih wellne Sache mier besser sind als de Holländer. Vorweggnoh, es isch vieles. Denn redemer über de Kelvin Kiptum, de neui Weltrekordhalter im Marathon, wo mit 02:00:35 de alti Rekord vom Eliud Kipchoge pulverisiert hett. De Andri glaubt er isch suber, de Oscar isch chli skeptischer. Denn gahts ih de Top 3 au no um die neue Sportarte bi Olympia 2028. Vo Steckpferdritte bis Seiligumpe isch gefühlt alles debi, defür schaffeds am Andri sis Liechtgwichtsruedere ab. Trurig aber wahr. Naja villicht chan er sich die Situation ja au schöntrinke. Hä wieso schöntrinke? Wills im Thema vo de Wuche um de Ihfluss vo Alkohol uf die sportlich Leistig gaht. Was als ernst gmeinti Rubrik ahdenkt gsi isch, verkommt zunere Shitshow und schlussendlich werdet eifach Sufstories und Antikatertipps ustuscht, upsiiii. Darum, wie immer, VOLL INE lose. ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

5. #91 - WELTMEISTER
   16.09., 12:5916.09.2023, 12:5900:35:07

   Was gihts da no z'sege. De Andri isch Weltmeister. En langi Gschicht, churz verzellt. Darum, wie immer, VOLL INE lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

6. #90 - Mit Djokovicmentalität am Start
   07.09., 05:0107.09.2023, 05:0100:49:24

   Dobar dan ier Schnäbis, Belgrad is calling! Direkt usem kitschigste Hotelrresti vo Belgrad schaltet sich de Andri zue, währendem de Oscar ih de Schwiz d'Stellig haltet. Zerst mal Zwischefazit zu de Rueder-WM in Serbie und eusi mittlerwile gschrumpfti Ahzahl vo Olympiaquoteplätz. Denn gahts grad witer mit Tennis vo de US Open in New York, bevor die vermeintlichi Startberechtigung vom Dominic Lubalu z'rede giht. Zum Schluss verlürt sich de Andri no ih de Welt vom Seilzieh und droppt paar Funfacts. Hüt alles mal chli chürzer, aber das isch ja nix neus bi de Voll Ine Boys. Darum wie immer, VOLL INE lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

7. #89 - Kein Usain Bolt, en S*xgrüsel & 8.5 Olympiaqualis
   31.08., 05:0031.08.2023, 05:0001:18:16

   D'Jungs sind zrugg, und achtung es wird no besser, sogar wieder zemme ah eim Ort! Es giht also viel z'berede wie zum Bispiel euses potentielle neue Merch, wie am Andri sin Formstand isch und wie de Oscar ah de Schwizermeisterschafte im Roundnet wird uf de Deckel becho...und das ih de erste 10 Minute! Crazy oder? Wiiter gahts denn mit eusem Fazit zu dem Liechtathletik-WM in Budapest. Konkret gahts um de Noah Lyles, de Jakob Ingebingsten und d'Femke Bol! Denn luegemer uf de Sexgrüselpräsident, Luis Rubiales, und sini Schandtate. Z'letscht werfemer no en detaillierte Blick ufs schwizer Ruederkader wo nächst Wuche d'WM in Belgrad bestrittet! Man oh man...es isch wieder einiges los. Darum, wie immer, VOLL INE lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

8. #88 - Allei unterwegs...
   24.08., 06:0024.08.2023, 06:0000:33:29

   Wie de Titel scho verratet fehlt hüt eine vo eusne Hosts. Da Andri fallt us und de Oscar zieht wie binere guete Flucht usem Peloton solo wiiter. Er wirft en Blick ufs Liechtahtletik-WM in Budapest, wo es fürd Schwiz noni rosig lauft. Usserdem wird drüber gredt wie Spanie de Fuessball-WM-Titel ah de Weltmeisterschaft vo de Fraue gholt hett und was de Verbandspräsi für en Sexgrüsel isch. Z'letscht gahts no um Tennis. Darum, wie immer, VOLL INE lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

9. #87 - Halbwüsse zu de Liechtahtletik-WM in Budapest, Olympia im eigene Land und de Megaradsport-WM in Glasgow
   18.08., 05:0018.08.2023, 05:0001:09:18

   D'Liechtathletik WM in Budapest statt vo de Türe und Voll Ine hett mit der Geraldine Frey es heisses Ise im Für! Alles zu de bevorstehende WM und welli Wettbewerb mer muess unbedingt gseh verzellemer dier im erste Thema vo de Wuche! Denn gahts ums Thema Olympia ih de Schwiz. Konkret d'Plän vonere Kandidatur vo de Schwiz für d'Winterspiel 2030. Obs realisitisch isch? Z'letscht redemer no über d'Mega-Radsport WM in Glasgow wo die Wuche z'End gange isch und fürd Schwiz durchus erfolgrich gsi isch mit 25 Medaille. Mathieu van der Poel, Nino Schurter und Flurina Rigglin sind nur einigi vo de Athlete wommer under d'Lupe nehmed. Usserdem fragemer eus wtf e-Mountainbike isch und werweisled suscht no chli über de Radsport. Du gsehsch es giht wieder mal was für alli! Ih dem Sinn, wie immer, VOLL INE lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

10. #86 - Olympischi Spiel aber uf Steroide
    10.08., 06:0010.08.2023, 06:0001:08:48

    Voll Ine isch zrugg im alte Format, Baby! Ih de Top 3 fömmer mit de Fussball-WM vo de Fraue in Australie und Neuseeland ah, wod Schwizerinne gege Spanie mit 5:1 hert uf de Latz becho hend. Darum ziehmer es Fazit zum Schwizer Abschnide und waged en Blick ihd Kristallchugle für die restlich WM! Denn gaht no uf Glasgow, wo momentan d'Rad-WM stattfindet, wo de Mathieu van der Pole de Stempfel ufteiht hett. Mit halbem Schueh gwünnt er eis vo de beste WM-Renne ever vorem Wout van Aert und em Tadej Pogadcar. Was en Leistig! Zum Abschluss vo de Top 3 luegemer no uf Paris. Dett wo ih eim Jahr die Olympische Spiel stattfinde werdet, isch grad d'Juniore-WM im Rudere verbi gange. De Bronzemedaillegwünner, Ivo Loepfe, verzellt eus vor de schwierige Bedingige vor Ort und wie sini Ihschätzig vo de Strecki momentan isch. Als Thema vo de Wuche gihts hüt en Diskussion zu de Enhanced Games, quasi die Olympische Spiel wo Doping erlaubt isch. Isch das guet, isch das schlecht. Settmers luege, settmers ned luege? Voll Ine isch sich ned einig. Wer was denkt? Well, das muesch selber usefinde! Darum, wie immer, VOLL INE lose! ____________________________________ WERBIG IN EIGENER SACH: Spikeballturnier am 19.08 in Zug - Alli Levels willkomme, en ganze Tag Spiel und Spass, garantiert 7 Spiel pro Team! - JETZT AHMELDE ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

11. #85 - Voll Ine mit... Rahel Kiwic
    03.08., 06:0003.08.2023, 06:0001:09:50

    Zrugg us de Summerpause gahts grad wiiter miteme absolute Topgast! Und zwar isch d'Rahel Kiwic, ehemaligi Fuessballnationalspielerin, bi eus im virtuelle Studio! Sie verzellt eus über d'Unterschied vom Frauefuessball ih de Schwiz und Dütschland, was de Frauefuessball brucht zum wiiter wachse und wie die d'Schwizer Nati ah de aktuelle WM in Australie und Neuseeland beurteilt! Darum, wie immer, VOLL INE lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

12. #84 - Chopf, Herz und Eier
    20.07., 06:0020.07.2023, 06:0001:19:12

    Überall isch Summerpause, nur de Sport lauft (wörtlich) heiss! Als ersts mümmer natürli uf de Sieg vom Carlos Alcaraz geg de Novak Djokovic im Wimbeldonfinal z'spreche cho! WAS ES SPIEL! Mier chömmed us de Lobeshymne für die beide Cracks ned use und schwärmet sogar usnahmswis es bitzli vom Djoker. Denn legemers Augemerk uf d'Fussball-WM der Frauen, wo das Jahr in Australie und Neuseeland stattfindet...uff ganz viel gföhrlichs Halbwüsse. Abschlüsse tüemmer d'Top-3 mit de usserirdische Leistig vom Jonas Vingegaard, wo am Tadej Pogadcar (zum es in Voll Ine Sprach sege) s'Schnäbi um d'Ohre haut. Als Thema vo de Wuche belüchtemer de aktuelli Trend vo europäische Fuessballer wo nach Saudiarabie wechslet. Cristiano Ronaldo, Benzema und N'Golo Kante sind nur einige berühemti Näme wo mier dropped. Wieso wennd alli nach Saudiarabie? Isch es nur wegem Geld oder gihts au no anderi Gründ? Und hemmer mengisch chli viel Vorurteil gege d'Saudis? Das alles ih de neuste Folg! Darum, wie immer, VOLL INE lose! ______________________ WERBIG IN EIGENER SACH: Spikeballturnier am 19.08 in Zug - Alli Levels willkomme, en ganze Tag Spiel und Spass, garantiert 7 Spiel pro Team! - JETZT AHMELDE ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

13. #83 - De Sprint zu Gold ufem Rotsee
    13.07., 06:0013.07.2023, 06:0001:03:34

    Es isch glaubs klar, dassmer hüt über de Weltcup Sieg rede müend. Mier verzelled wies s Fiire so gsi isch und wieso so schön gsi isch. Defür simmer jetzt beidi richtig müed und ned erholt, was zmindest de Andri si sötti. Es heikels Thema (mer sind eifach ned güebt i dem) folgt als nächsts. D'Caster Semenya bechunt recht. Sie isch ungrecht behandlet worde bim Entscheid, dass sie wäge ihrem Testo-Wert nümme Liechtathletik mache döff. Nebst dem redemer au über die bisherig Tour de France und mier gäbed nach einere Wuche üsi Prognose zum Gsamtsieg ab. Zu gueter Letzt wott de Andri no wüsse, was die F1 eigentlich so lauft und debii gfindemer no lustigi und spannendi Sache use. Also los! Voll Ine Lose 😉 ____________ Rudern, Rotsee, Weltcup, Weltcupsieger, Leichtathletik, Caster Semenya, Testosteron, Tour de France, Vingegaard, Pogadcar, Formel 1, Max Verstappen, Lewis Hamilton, Sport, Sportpodcast, Schweizer Podcast, Lifestyle ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

14. #82 - LUCERNE REGATTA feat. Timon Wernas
    06.07., 07:4106.07.2023, 07:4101:09:33

    Wer scho immer mal hed welle wüsse, was es alles brucht zum en Rueder Weltcup z'organisiere und was für Problem da ufchömed, wie de Heimvorteil fürd Schwiizer Ruederinne und Ruederer ade diesjährige Lucerne Regatta usgseht und wie de Timon als Organisator vude LUCERNE REGATTA s Ruedere attraktiver mache wör, das ghörsch alles i dere Folg! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

15. #81 - Chrütz und Quer Spezial
    29.06., 06:0029.06.2023, 06:0000:29:01

    En vorproduzierti Folg mit viel Gelabber! Mier hend eus wieder mit random Frage prächtig unterhalte und hoffed eu machts genau so viel Spass wie eu! Darum, wie immer, VOLL INE lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

16. #80 - Mal en churzi Folg zur Abwechslig
    22.06., 06:0022.06.2023, 06:0000:44:12

    Hüt simmer mal ganz andersch als suscht unterwegs. Zerst redemer über am Andri sini Silbermedaille in Varese und lueged au no uf die andere schwizer Boot wo brutali Resultat usegfahre hend. Usserdem verzellt eu de Andri wies isch d'Viola Amherd z'treffe und wie sie so druffe isch. Ih de Top 3 wirds zu Beginn nomal ernst. Mier zolled am Gino Mäder euse Respekt und belüchtet sini Person nomal nöcher. Denn gihts mit Fuessball und Liechtathletik no zwei wiiteri Theme vom Weekend. ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

17. #79 - Dank TdF Unchained Voll (d)ine
    15.06., 06:0015.06.2023, 06:0001:03:24

    ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

18. #78 - Oli Grob: Kei Ishalle, defür kolumbianisches Flair
    10.06., 06:0010.06.2023, 06:0001:06:24

    Hüt simmer rassig unterwegs mit em Oli Grob als Gast! Als ehemalig Ishockeyspieler hett er sini passion fürs Inlineskate und de Isschnelllauf entdeckt und verzellt eus im hüttige Podcast wies isch ohni Trainingsinfrastruktur im eigene Land Profi z'si. Usserdem reded de Oli über d'Herusforderige ufem Is, d'Duell ih de Bahn und sis Lebe in Kolumbie. Darum, wie immer, VOLL INE lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

19. #77 - EM Bronze und die richtige Proteine
    03.06., 06:0003.06.2023, 06:0001:15:02

    Wie de Titel scho verratet redemer vo de EM Bronzemedaille wo de Andri in Bled, Slowenie usegfahre hett! Usserdem luegemer uf die wiitere Resultat vo de Schwizer ah de Rueder-EM, bespreched s'klägliche Scheitere vo de Schwiz ah de Ishockey-WM und lueged uf verschiedeni Theme us de Fuessballwelt. Als Hauptgricht gihts hüt Proteine. Gnauer, mier lueged uf de High-Protein-Trend und verwiesed ufd Vor- und Nachteil vo High-Protein-Produkt. Viel Gelabber und wüssenswerti Inhält sind also garantiert! Darum, wie immer, VOLL INE lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

20. #76 - Jetzt heb d'Schnorre und hol die Medaille
    25.05., 06:0025.05.2023, 06:0001:07:47

    D'Euphoriewellene schwapped nur so über uf Voll Ine! De Hype um d'Schwizer Ishockeynati erreicht au eus und mier glaubed ganz fest an WM-Titel! Usserdem luegemer uf Paris für de ahstähendi Grand Slam. Mit de Absag vom Rafa Nadal und em Strauchle vo Alcaraz und Djokovic isch d'Usgangslag so unklar wie nonie. Als Abschluss vo de Top-3 wagemer no en Prognose bezüglich Rueder-EM in Bled, Slowenie! Also Hauptgricht servieremer eu wieder mal Hörerfrage und gennd eu peinlichi Ihblick ih euses Privatlebe. Darum, wie immer, VOLL INE lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.