Voll ine - Der Sportpodcast

Ih de letschte Episode vo 2022 werfemer en Blick zrugg und belüchtet d'Fuessball-WM nomal gnauer, bevormer s'ganze Voll Ine Runbook im Schnelldurchlauf uf Highlights durescanned. Ih de Nachspielziit vo dere Folg beantwortemer usserdem no euchi Hörerfrage und stelled eus gegesiitig die wichtige Frage vom Lebe. Mal en andere Ahsatz aber hoffentlich genau so hörenswert wie suscht. Ih dem Sinn, wie immer, Voll Ine lose ;) ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Die Wuche hemmer mit em Dominque Aegeter ned nur en Frohnatur und Sympathieträger z'Gast sondern au grad en Doppelweltmeister! De Domi verzellt eus wie er imene Land ohni Rennstrecki zum Töffsport cho isch, wieso er s'Nummere 77i gwählt hett, wie schwierig es isch Sponsore z'gfinde, wie es isch im GP-Zirkus z'überlebe und wie er d'Widerständ überwindet. Usserdem luegemer no gnauer uf sini zwei WM-Titel ih de Supersport-Kategorie und sin Gsamtweltcupsieg ih de Moto-E. Natürlich chömmed d'Kontroverse wie zum Bispiel sin aberkennti Weltcupsieg 2021 ned z'churz, aber ier werdet gseh, au die chan de Domi miteme Lächle wegstecke! Ih dem Sinn, viel Spass bim Voll Ine lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Ih de hüttige Folg reflektieremer d'Wuche vom Andri im Trainingslager und de Sportmuffel vom Oscar. Usserdem redemer über d'Swiss Sportawards und wer mier als würdigi Sieger und wo mier Verbesserigspotential gsehnd. Danach redemer no churz über de Untergang vo de zweithöchst Schwizer Ishockeyliga und was es für Konsequenze hett fürs Schwizer Ishockey. Zum Schluss skippemer s'Thema vom Tag und fokussiered eus uf d'Verletzig vom Manuel Neuer und was es für juristische und sportlichi Folge mit sich zieht! Ih dem Sinn, wie immer, viel Spass bim Voll Ine lose ;) Timestamps: 13:00 Sportawards 27:45 Ishockey: Bald ohni Swiss League? 49:00 Manuel Neuer und d'Frag döffed Profisportler Risikosport betriebe? Instagram: @volline_podcast ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Euse liebi Oscar isch sini Ferie am gnüsse und sich am erhole vum Alltags Stress als Podcaster. Drum gits hüt en churzi Rundi mitm Gian Struzina (ja de Brüeder vum Andri) und die beide redet über ihri Trainingswuche. Eine vu dene beide isch in Sarne im Nationale Leistigszentrum gsi, de ander ide Spitzesport RS in Magglinge. Endi Wuche hend sie sich ade Swiss Rowing Night troffe und nemed dezue grad auno de Podcast uf. Es gid also en Iblick ine Sportlerwuche, was mer det alles so erläbt, wie streng dass s Training isch und öb mer au ab und zue in Usgang chan. Bro Talk to be continued! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Hüt hemmer mit de Géraldine Frey eini vo schnellste Fraue vo de Schwiz im Interview. Sie verzellt eus ned nur wie sie relativ spat zur Liechtatlethik cho isch, sondern au wieso gwüssi Mensche schnell sind und anderi ned und das, obwohl d'Sprinter verhältnismässig am wenigste vo allne Liechtathlete trainiered. Usserdem reflektieremer über ihri letschtjährigi Durchbruchsaison. Debi redemer natürli über ihri Rolle als Einzelathletin aber au als Mitglied vo de erfolgriche Schwizer Staffle ah de letschte Grossevents und de verschiedene Erfolg wo sie hett chönne fire. D'Géraldine zeigt sich debi offe und redet mit eus über Druck, wie sie glernt hett damit umzgah und wie sie d'Erwartigshaltige vo usse handled. Wenn also meh wüsse wottsch, muesch jetzt Voll Ine lose ;) Instagram: @volline_podcast ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Neui Wuche, selbes Thema! Ahfah tüemmer mit de Fuessball-WM. Konkret belüchtemer alles was momentan schief lauft und fraged eus, wieso de FIFA Kommunikationschef noni entlah wurde isch? Usserdem werfemer en Blick zrugg ufd Tennissaison und huldiged es letschts Mal de Fedi (natürli ned ;)). Usserdem würdigemer au no de Sebastian Vettel zum Abschluss vo sinere Karriere und fraged eus wieso de Max Verstappen immer so gemein si muess zum Checo. Aber das isch gar ned alles! Mier hend mit em Thema Sportsucht wieder mal eusi seriösi Site füregholt und für eu das Thema intensiv recherchiert. Du lernsch ned nur wie Sportsucht definiert wird, sondern au was für Folge sie hett und wieso Hobbysportler oftmals gföhrdeter sind als Profis. Darum wie immer Voll Ine lose!!! Timestamps: 10:00 WM in Qatar 36:15 Rückblick ufd Tennissaion 46:30 Huldigung vom Sebastian Vettel 58:00 Thema vo de Wuche: Sportsucht Instagram: @volline_podcast SRF Tippspiel: Voll Ine Tippgruppe WM Bracket: Da simuliere! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Hüt belüchtemer s'Thema vo de Stund. Es gaht no wenigi Täg bis zum Start vo de WM 2022 in Katar. Um d'Kontroverse und Diskussione rund um die WM chömmer alli ned ume. Darum belüchtemer ih dere Episode s'Thema Sportswashing & analysiered d'Argument für und geg en Boykott bevor mier eusi eigeni Position zu dem Thema inehmed. Will aber de Sport ned z'chruz döff cho, machemer zum Abschluss au no Vorussage zum Abschnide vo de Schwizer Nati und tüend und anderem Brasilie und Argentinie zum neue Weltmeister usrüefe. Wieso? Das muesch bim lose usefinde ;) Ih dem Sinn: Voll Ine lose! Timestamps: 05:30 Sportswashing 28:00 Boykott: ja oder nei? 53:30 eusi Predictions Instagram: @volline_podcast SRF Tippspiel: Voll Ine Tippgruppe WM Bracket: Da simuliere! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Ih de neuste Episode verzellemer eu alles zu eusem Bsuech am 5. Athletes Day vom Athletes Network! Mier hend ned nur en grandiosi Ziit gha, sondern au no einiges glernt bi dem Bsuech! Zum Bispiel, dass Networking usserhalb vo de Komfortzone stattfindet aber es richtig geil isch wennmer us ihre mal dusse isch, dass die wichtigst Frag isch "was isch nachem Sport"? & natürli, dass jede Athlet und jedi Athletin ih de Schwiz dem Netzwerch muess bitrette! Vorher redemer aber no über Fuessball, konkret über de Usraster vom Mario Balotelli & de 10 rote Charte im Argentinische Supercup, über d'Entlassig vom Johan Landskog bim SC Bern & d'Konsequenze vom Mobbing im Juniorealter und z'gueter Letscht no über d'Folge vo de Energiekrise und em Klimawandel uf de Langlauf- und Ski-Weltcup. Ih dem Sinn: Voll Ine lose! Timestamps: 09:45 Fuessball 20:00 Ishockey 30:45 Wintersport 36:30 Voll Ine am Athletes Day Instagram: @volline_podcast & @athletes_network ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Im zweite Teil vom Interview mit em Martin Elmiger redemer übers Lide bzw. was Lideschaft bedüted, was Yoga und Mindfulness für Vorteil hett, wieso er Charaktere wie de Lance Armstrong im Radsport vermisst & wo sich de Radsport no wird hi entwickle. Darum wie immer voll ine lose! Instagram: @volline_podcast ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Hüt verzellt eus d‘schwizer Radsportlegende, de Martin Elmiger, wies Lebe als Radprofi isch, was er glernt hett, was er am meiste vermisst us dere Ziit und wie im Peloton au eifach mal usteilt wird! Darum unbedingt drihlose! Instagram: @volline_podcast ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Die Wuche startemer ned wie üblich mit de Top-3 und em Thema vo de Wuche, sondern redet über alles wo mier während eusere Absenz verpasst hend. Ahfah mümmer mit em neue & alte Weltmeister Max Verstappen, die illegali Budgetüberschrittig vo sim Rennstall Red Bull & em Tod vo dessem Gründer Dietrich Mateschitz. Usserdem beredemer de Sieg vom Karim Benzema bim Ballon d'Or, d'Revolution gege d'Ihfüehrig vo de Playoffs im Schwizer Fuessball und natürli über d'Aktion "Zemme meh als 52%". Zum Abschluss gihts no es Sammelsurium ah Theme us de ganze Sportwelt, wo mier wieder mal bewiesed, dassmer doch ned vo allem ganz en Ahnig hend wommer bespreched. Ih dem Sinn, viel Spass bim Lose vom Voll Ine Podcast! (00:10:00) Red Bull (00:34:00) Fussball (00:52:30) Schach, Chlettere, Ishockey & Ski Instagram: @volline_podcast ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Zum Start vo de neue Staffel hemmer was ganz speziells vor! D'Kris Gysi vo de Zuger Ziitig hett en super nice Artikel gschriebe wo sowohl euse Podcastalltag wie au d'Hintergründ vo eusem Podcast belüchtet! Entsprechend bechummt de Artikel vo eus en 5-Sterne Leseempfehlig! (Ier chömmed über de Link am Endi vo de Folgebeschriebig zum Artikel) Glichziitig hemmer euch s'Gspröch mit ihre ned welle vorenthalte. Entsprechend bechömmed ier zuesätzlich zum Artikel au no es Interview mit de Voll Ine Jungs, wommer nomal alles über euse Werdegang, euse Podcast und sogar eusi Fründschaft im Detail bespreched. Ih dem Sinn, viel Spass bim Lose! Artikel in der Zuger Zeitung ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Was hetti selle die heissisti Folg vo Voll Ine werde, isch im technische Debakel geendet. Ned nur wirsch du jetzt nie erfahre, was mier vom Kipchoge sim Weltrekord haltet oder wie mier d'Schwizer Fuessballnati so churz vor Qatar ihschätzed, sondern du bechumsch au kei Insiderinfos vo de letscht Rueder-WM in Racice mit anschliessender Partynacht in Prag mit :( Aber ned trurig si! Letschteres lieferemer nah und wenns en Regle bi Voll Ine giht denn isch es, dass am Schluss eus immer de Fedi blibt. Will er hetts technische Missgschick überlebt und mier gend jetzt au nomal euse Senf dezue. Ih dem Sinn, viel Spass bim Lose vonere ganz churze Folg Voll Ine! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Voll Ine isch wieder mal in Labberlaune gsi und hett chum chönne ufhöre rede! Einersiits besprechemer de US Open-Sieg vom neue Shootingstar im Tennisuniversum, em Carlos Alcaraz. Usserdem besprechemer de Start vo de National League im Ishockey und waged eus sogar verschiedeni Prognose abzliefere! Zum Abschuss vo de Top 3 redemer au no über d'Rueder-WM und de Andri liefered eus Insights bezüglich de Schwizer Boot wommer unbedingt im Aug phalte muess! Zum Abschluss wagemer eus no in Verschwörigssumpf und bewertet es paar vo de beliebtiste Verschwörigstheorie usem Sport. Wie jedi Wuche, lohnt sichs also de Voll Ine Podcast lose! Cheers ;) ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Die Wuche hemmer mit de Leah Stutz vom LK Zug ned nur en üsserst sympathische Gast, sondern au en sehr kompetente! Als eini vo de beste Handballerinne ih de Schwiz, chah sie eus natürli einiges verzelle. Zum Bispiel über ihre Werdegang und em Fakt, dass sie untypisch chli isch für ihri Position, d'Rolle vom Verein als zweiti Familie, d'Entwicklig vom schwizer Handball und de Verglich zwische Fraue- und Männerhandball. Du chasch dich also gspannt mache uf grandiosi 90 Minute ih de neuste Folg vom Voll Ine Podcast! . . . . . . . . ________________________________________________ ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Voll Ine scheiteret knapp bi sim eigene Spikeballturnier und landet ufem undankbare 4. Platz! Alles rund um euses Turnier erfahrsch ih de neuste Folg ab Minute 46! Aber zerst redemer no über de Sieg vom Joel Wicki am ESAF (und de Andri plauderet no Gheimnis us de gmeinsame RS-Ziit us), bespreched de Serena Williams ihre Abschied vom Profitennis und debattieret drüber wie hässlich s'neue Trikot vo de Schwizernati würkli isch. Ah ja und im Hause Pogba bedroht de eint Brüeder de ander und droht ihm mit Maschinepistole. Das alles ih de neuste Folg vom Voll Ine Podcast! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Ih de aktuelle Folg besprechemer alles zum Thema Fuessball, Motorsport und Boxe. Usserdem belüchtemer de mysteriösi Dopingfall vom Mathias Flückiger, wo beschuldigt wird Zeranol zu sich gnoh zha, und versuechet ufzzeige wieso es no z'früeh isch zum es Urteil fälle... ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Ih de neuste Folg belüchtemer de Gwünn vo de Bronzemedaille vom Andri ah de European Championships in München und bewertet usserdem d'Schwizer Leistig als Gsamtes! Inelose lohnt sich also! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Mier hend wieder mal kei Ziit gha zum eus gschid vorbereite. Darum hemmer entschiede eus uf zwei Theme z'fokussiere wo mier guet verstönd: Formel 1 und d'European Championships 2022 in München! Wieder viel Gelabber und en chlini Überraschig ih de Mitti vo de Folg erwartet eu ;) ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

De Noe isch ned nur en begnadete Schwinger, sondern au es Multitalent. Ned nur isch er ih öppe 4 Sportarte en Crack, aber füehrt no dezue en GmbH und weiss gefühlt alles übers Chrafttraining! Ih dem Teil belüchtemer no speziell s'Saisonhighlight mit em Eidgenössische Schwing- und Älplerfest 2022 in Pratteln! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.