Voll ine - Der Sportpodcast

Die 209ti Folg vum Voll Ine Podcast startet direkt mit de Abfahrt vum Hype-Zug Richtig Ishockey WM Final. Es brucht ned viel (ussert 4 Sieg vude Schwizer Nati) und d Jungs sind scho wieder voll im WM Fieber (zmindest de Osci)! Wieso de Osci während de WM Ziite auno Strava KOMs jagt und de Andri wieder als Bünzli beschumpfe wird isch au Teil vu dere Folg. Welle Boomer hed eigentlich d Bekanntgab vum Schwiizer Kader fürd Fuessball WM erfunde? Das und vieles meh wird im hüttige knackige Podcast alles beantwortet. Drum loset Voll Ine und läbed (ned) wie de Jamie Vardy! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

De Matthias Iten isch de 11. Zuger Sportler bi Voll Ine und eine, wo im Schwizer Skisport grad richtig spannend isch. De Slalomfahrer us Unterägeri het sich über de Europacup Schritt für Schritt bis in Weltcup kämpft. Spötistens sit sim starche 10. Platz im Slalom vo Val d’Isère, wo er mit Startnummer 61 grad no als 30. in zweite Lauf cho isch, isch klar: Dä Zuger isch im Slalom definitiv ahcho. In dere Folge redemer mitem Matthias über sini Saisonvorbereitig, de lange Weg dür de Europacup, sini Verbindig zum Kanton Zug und über d'Frag, wie mer überhaupt Slalomfahrer wird, wenn mer us Unterägeri chunnt. Mier wänd wüsse, wie dä Summertraining-Alltag usgseht, was wichtiger isch: Kraft, Stabilität, Beweglichkeit oder Skitäg – und obs Trainingsblöck git, wo sogar en Profi am liebste überspringe wür. Es gaht aber au um die härtere Site vom Spitzesport. De Matthias het jahrelang mit Ruggeprobleme kämpft und öffentlich drüber gredt, dass Rücktrittsgedanke meh als einisch es Thema gsi sind. Mir redet mit ihm drüber, wie präsent dä Ruffe hüt no isch, wie mer trainiert, wenn de Körper Grenze setzt, und was ihn trotzdem immer wieder zrugg an Start bracht het. Natürlich lueged mir au uf sini letzte Saison und de Durchbruch im Weltcup. De 2. Platz im Europacup-Slalom vo Levi het früeh zeigt, dass öppis möglich isch. Kurz druf folgte in Val d’Isère de grossi Moment: Startnummer 61, schwierigi Piste, grad no qualifiziert und am Schluss Top 10. Genau über so Täg wänd mir rede: Was lauft im Chopf? Merkt mer vor em zweite Lauf, dass öppis möglich isch? Und wird de Olympia-Traum plötzlich griffbarer, wenn d’Resultat stimmed? Jedefalls isch Letschteres spötistens Tatsach gsi bim grosse Saisonhighlight: Wie fühlt sich das a, vor heimischem Publikum in Wengen mit grüener Ziitahzeig is Ziel zfahre? Was passiert im Chopf, wenn plötzlich nöd nur es Weltcup-Bestresultat (6. Rang), sondern au de Olympia-Traum ganz real wird? Und wird de Druck chli chliner, wenn d’Kriterie erfüllt sind oder erst recht grösser, will de Traum plötzlich echt isch? Es erwartet dich en Folg über Slalom, Durchhaltewille, Rückschläg, Weltcup-Momente und de realisierti Traum vo Olympia. Also en Folg für alli, wo de Schwizer Skisport nöd nur über Rangliste verfolged, sondern d’Gschichte dehinter wänd verstah. Darum, wie immer, VOLL INE lose! FOTO CREDITS Reto Müller. Instagram: @remuesports ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

S Jahr 2026 wird sportlich gseh ide Schwiiz ned so schnell vergässe gah. Zwei Meister, so ungwöhnlich, dass mir hüt gad en ganzi Folg drüber machet. Nach es paar News usem Voll Ine Universum gads direkt los mit Fribourg Gottéron, neue Schwiizermeister im Ishockey! Mir tauched i das Märli i und gönd dene vergossne Träne uf de Grund. De Verglich zum Überraschigsmeister FC Thun wird natürli au gmacht. Am Schluss stellt sich d Frag: Welle Meistertitel isch schöner? Das und au biz Pogi-Mania gits ide Folg #207 vum grandiose VOLL INE Podcast. ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Was für de Fischi, de Schwizer Ishockeyverband und d Nati en schlechti Usgangslag isch, isch für Voll Ine wie wenn am 5i am morge nachem Usgang no in McDo gasch: Ultra geil!!! Mir lönd üs das Menü ned entgah und kläred de ganz Fall Fischer uf. Eusi Meinige sowie die vum Klaus Zaugg werdet diskutiert und usenand gnoh. Ned weniger erfahrsch debi über de Osci und de Andri persönlich. Das vum Afang a. Also inne lose wenns heisst: VOLL INE ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

D Jungs sind wieder Mal voll vorbereitet und waget sich hüt ganz wiit ufs dünne Is use. Es wird aber au sehr heiss, so wie ide Kabine vum FCB. Wiiteri spannendi Themene wie Paris-Roubaix, die erst Frau als Trainerin ide Bundesliga oder wieso de HCD wiiterhin de Erzfeind isch chönder alles ide Folg #204 vum VOLL INE Podcast lose! LFG<3 ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Es heisst back to the roots! Voll Ine isch wie zu Ahfangsziite wieder online unterwegs. De Andri z'Göschene und de Osci us Zug. Das heisst aber ned dass es ned direkt wieder mitere Ahfiggerei losgaht. Nachdem d'Woge glettet wurde sind, gahts denn nahdisnah au um Sport. Zerst über internalisierti Diätkultur (sehr schlaus Wort, bravo Osci) und d'Problematik vo Voll Ine wenns ums Thema Esse gaht. Nebst dem besprechemer aber au de Untergang vo Italie ih de WM Quali und vo Nike im Sportbusiness, de Sieg vom Pogi und de Vollering bi de Flandererundfahrt und z'letscht au no am Tiger Woods sini nächsti Eskapade. Du gsehsch, es lohnt sich! Darum, wie immer, VOLL INE lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Es isch sowiit! Voll Ine stiegt uf ihd High Society und wird nominiert für de Swiss Podcast Award ih de Kategorie Sport! Für de Sieg hetts zwar ned glanged (gratuliere ah Forza vom Blick ah dere Stell), aber defür für ganz viel Anekdote. Mier sind nämlich irgendwo zwüsche Journaliste und Cervelatpromis gsi und hend döffe Luft schnappe ih de Welt vom Glamour, Glanz & Gloria. Nebe ganz viel Gossip gihts aber au en Fanboymoment mit de Barbara Bleisch und vieli gueti Gspröch under Arbetskollege. Über Sport redemer denn ih dere Folg denn irgendwenn au no... Darum, wie immer, VOLL INE lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Zwei Jungs, zwei Velos und eis Ziel: vo Züri bis nach Thailand. Ih de hüttig Folg redet de Osci mit em Nik und Leandro, de Jungs hinderem Projekt Cicliztaz, über en Idee, wo jetzt plötzlich Realität wird. Was tribt sie dezue, tusigi Kilometer ufem Velo zruggzlegge? Isch es Abentürlust, de Wunsch nach Freiheit oder d'Suche nach sich selbst? De Nik und Leandro nehmed eus mit zum erste Momenten vod e Idee, verzelled ehrlich vo Zeifel, Chaos in der Planung und de Reaktione us ihrem Umfeld. Mier tauched tüf ih id Vorbereitig: vo Routenplani über Usrüstig bis zur Frag, wie viele Unterhose hettmer würkli für so es Abentür debi. Glichzitig gahts um viel meh als nur das. s'Projekt staht im Zeiche vom Kulturustusch und de Fründschaft und trotzdem blibed Theme wie Angst vorem Ungwüsse. Wie gahtmer damit um monatelang unterwegs zsi? Wo schlaft mer? Wo bechummter Esse und Wasser? Wie gsehts us mit de Lag im Nahe Oste? Das alles und no viel meh gihts ih de neuste Folg. Darum, wie immer, VOLL INE lose! __________ Folg eus uf Instagram Eusere Whatsapp Community bihtrete Olympia Tippspiel Rangliste ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Zum Jubiläum (crazy eifach 200 Folge scho?!) gihts hüt en chli anderi Folg. Während de Andri no in Indie weilt, hett de Osci sich hüt mit em Thema Community Building usenandgsetzt und defür de Karim Abdin Sanz ihglade. Er isch de Gründer vo Move Zurich und verzellt eu nebst wies isch Chraftsport mit em Ramadan z'verbinde, wie er mit Move d'Lüt in Züri zum Sport mache animiere will, wie er sini Community ufbaut hett und wie ers schafft au ah Täg wonner ned macht, sich de Arsch ufzrisse. Mier verspreched dier, es lohnt sich drihzlose! Darum, wie immer, VOLL INE lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Wer ned hinderem Mond lebt, weiss es herrscht uf dere Welt explosivi Stimmig. Allenvorah wegem neue EVZ Logo... Natürli ned, de Konflikt im Iran gihts ned nur uf de politische Ebeni z'rede sondern au im Sport. Was bedütet die aktuell Situation, welli Uswirke hetts uf d'Sportler und welli Wettbewerb müend verschobe werde? Voll Ine + Raffi kläred uf. Glichziitig gahts wieder los mit Formel 1 und mier hends eus ned chönne neh über die neue Updates aber au die neu Staffel Drive To Survive z'rede. Z'letscht hemmer no en Blick zrugg uf Italie gwagt zum en Usblick über die ahstehende Paralympics z'rede. Du gsehsch also, es lohnt sich ine z'lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Die Olympische Winterspiel 2026 sind verbi und es giht einiges z'berede! Doch bevors sowiit isch no es wichtigs Announcement: VOLL INE ISCH FÜR DE SWISS PODCAST AWARD IH DE KATEGORIE SPORT NOMINIERT!Danke eu allne für de Support! Mier sind extrem stolz! Aber zrugg zum eigentliche: Egal ob Schwizer Medailleregle, norwegischi Betrüger, Verletzige, nervigi Amis und glücklosi Kanadier! Milano Cortina hett maximal abgliefered und Voll Ine isch ready eu mit eusne High- und Lowlights z'bediene! Darum, wie immer, VOLL INE lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Olympia gaht langsam am Endi zue und so au eusi Ziit in Italie. Nach 6 richtig coole Täg ziehmer Bilanz zu eusere Ziit bi de Winterspiel! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

De Loic risst alles ab im Slalom und mier mached eus unbeliebt bi de Österricher und Norweger. Olympische Spirt gseht andersch us, aber eusi Stimmig hetts ned dämpft! (im Gegesatz zu dere im Partyzelt). Z'Nacht hetts denn mit de norwegisch Skinati geh und de Daniel Yule isch eus au no über de Weg gloffe. Am nächste Tag simmer denn uf Milano zu Schwiz-Italie luege. Was sellmer sege? Geili Stimmig gaht andersch, aber Pflichtsieg isch Pflichtsieg und jetzt freuemer eus mal uf de Viertelfinal. Ih dem Sinn, Folg 2 vo Post us Mi-Co hett wieder zünftig Gspröchsstoff. Darum, wie immer, VOLL INE lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

D'Schwiz isch bi Olympia richtig eine am duregeh und mier sind debi! Ih de erste Folg vom Spezialfolg vo Post us Milano / Cortina verzellemer eu über d'Erlebnis bim Rieseslalom in Bormio, wo de Pinheiro dominant Gold gwünnt und d'Schwizer uf Platz 2 und 3 verwiest. Organisation pfui, eusi Vibes hui! Wiiter redemer no über d'Federica Brignone und ihres Monstercomeback, de Sieg vo de Schwiz gege Tschechie im Ishockey und en dumme Kanadier bim Curler! Du gsehsch, es wird sicher ned langwilig. Darum, wie immer, VOLL INE lose! ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

S Olympia Fieber hed so krass igschlage wie d Schwiizer Skifahrer im Goldhimmel. D Voll Ine Crew belüchtet hüt was alles scho passiert isch und wieso de Yann Sommer gschider wieder is Goal gad, was mir vude Lindsey Vonn ihrem Sturz haltet und was no alles z erwarte isch, wenn denn de Osci als Korrespondent vor Ort isch. Freued üch also uf en Welt voller Freud, Träne und professionellem Halbwüsse. Drum Voll Ine! ________________________ Folg eus uf Instagram Eusere Whatsapp Community bihtrete ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Die grosse Winterspiel stönd a und VOLL INE isch umeeee. Bevor denn de Osci selber ad Spiel gad redemer ide hüttige Folg über alles was d Spiel z biete hend. Ganz bsunders aber chammer s Ranking vude Sportarte, d volline-Medaille Prognose (mach mit bim Olympiatippspiel und gwünne es geils Souvenir vo Milano/Cortina!) und d Insights vude beidne Herre empfehle. Wenn also parat si wotsch für de Start vude Winterspiel wöri jetzt VOLL INE lose wenn ich dich wär. LFG!!! ________________________ Folg eus uf Instagram Eusere Whatsapp Community bihtrete ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Vor Olympia hemmer denkt mier holed zwei vo de grosse Medaillehoffnige in Podcast und gennd ihne no de Voll Ine Boost! De Noe und Pirmin sind zwei vo de beste Skiakrobate vo de Welt und nebst denn vor allem zwei sehr sympathischi Coco Locos. Sie verzelled eus über ihri crazy Sportart, d'Battles mit de Chinese, wildi Gschichte in Kasachstan, ihri Fründschaft und wieso es bi Olympia en Medaille söll regne! Du döffsch dich also uf en richtig geili Folg freue! Darum, wie immer, VOLL INE lose! ________________________ Folg eus uf Instagram Eusere Whatsapp Community bihtrete ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Mit bitzeli verspötig simmer zrugg us de Winterpause und egal obs umd Erlebnis ih de Karibik oder Padel uf Zanzibar gaht, mier sind giggerig zum wieder podcaste. Neb allem wo mier us de letschte Wuche nahholled gihts au ganz viel aktuells wie d'Trainerentlassig bim EVZ, s'Skiweekend in Wenge und d'Shitshow bim AFCON Final. Mier freud eus zrugg z'si und sind heiss uf was no chund! Darum, wie immer, VOLL INE lose! ________________________ Folg eus uf Instagram Eusere Whatsapp Community bihtrete ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.

Ih de hüttig Folg dreiht sich alles um de Rückblick ufs Sportjahr 2025! Und wie chönntis andersch si, verleiht VOLL INE wieder d'Awards ih folgende Kategorie!: •⁠ ⁠Holzchopf vom Jahr •⁠ ⁠⁠Ufreger vom Jahr •⁠ ⁠⁠Highlight vom Jahr •⁠ ⁠⁠Team 2025 •⁠ ⁠⁠Newcomer 2025 •⁠ ⁠⁠Sportler 2025 •⁠ ⁠⁠Sportlerin 2025 •⁠ ⁠⁠Voll Ine Award Hend dini Favorite gwunne und bisch ihverstande mit eusere Uswahl? Schriebs une ihd Kommentär! Mier sind gspannt, was du meinsch :-) UND Z'LETSCHT NO VIELE HERZLICHE DANK, DASS DU DAS JAHR SO FLIESSLIG GLOST HESCH ❤️​ https://form.jotform.com/253590525123352 ________________________ Folg eus uf Instagram Eusere Whatsapp Community bihtrete ________ Webseite/Shop: www.volline.ch Instagram: @volline_podcast Hosted on Acast. See acast.com/privacy for more information.