Podcast

Sächsfoif – GCZ-Fan-Podcast

Stephan Wernli

Sports

289 Episoden · neueste 12.10.

RSS-FeedWebsite

Häufig erwähnt

Episoden

289
  1. SÄCHSFOIF CLASSIC: IZET HAJROVIC
    27.06., 00:4400:53:20

    Sächsfoif #96 Ehemaliger GCZ-Spieler Izet Hajrović (27.06.2024) Izet Hajrović – Die goldenen Jahre beim Grasshopper Club Zürich In dieser fesselnden Episode unseres Podcasts tauchen wir in die faszinierende Karriere von Izet Hajrović ein, wobei der Schwerpunkt auf seiner prägnanten Zeit beim Grasshopper Club Zürich liegt. Der in der Schweiz geborene bosnisch-herzegowinische Fussballprofi hat viele Stationen durchlaufen, doch seine Jahre beim GCZ haben ihn besonders geprägt und beeindruckende Geschichten hervorgebracht. Unbedingt dranbleiben, denn es folgt ein Wettbewerb. Highlights dieser Episode: Aufstieg eines Talents : Wir erkunden Hajrovićs Anfänge und seinen rasanten Aufstieg im Jugendbereich des GCZ. Welche besonderen Fähigkeiten und Eigenschaften machten ihn zu einem vielversprechenden Talent und wie hat er es geschafft, sich einen Platz in der ersten Mannschaft zu sichern? Glanzmomente und Schlüsselspiele : Von unvergesslichen Toren bis hin zu spektakulären Spielen – wir sprechen über die Höhepunkte von Hajrovics Zeit beim GCZ inklusive dem Cuptitel 2013. Welche Momente sind den Fans besonders in Erinnerung geblieben und wie hat er den Club zu wichtigen Siegen geführt. Herausforderungen und Comebacks : Kein Sportler bleibt von Rückschlägen verschont. Wir sprechen über die Herausforderungen, denen Hajrovic gegenüberstand und wie er immer wieder auf die Beine kam. Der Weg nach GCZ : Was passierte nach seiner Zeit beim Grasshopper Club Zürich? Ein Blick auf seine weiteren Karriereabschnitte, Titelsammlung und wie die Erfahrungen beim GCZ seine weitere Laufbahn beeinflusst haben. Hier findest du den GCZ-Podcast Sächsfoif auf Instagram ⁠, wir freuen uns über deine Rückmeldung. #GCIschZüri

  2. JENNY DÜRST TENNISSPIELERIN GC ZÜRI | SÄCHSFOIF #271
    24.06., 12:4300:42:17

    Wie blibt mer mental starch, wemmer 25–30 Wuche im Jahr rund um d Wält unterwegs isch? Im GCZ-Fan-Podcast redet d GCZ-Spielerin Jenny Dürst offe über Hypnose, mentali Gsundheit und de Umgang mit Druck, Verletzige und Rückschläg. Sie verzellt, was sie us Hüft-, Schulter- und Handglenk-OPs glernt het, welli Rolle ihri Muetter ih ihrem Weg zur Profispielerin spielt und welli Träum sie no verfolgt. Vo de Top 300 bis zu de Grand Slams. Viel Spass bim ahlose und Hopp GCZ! #FirstClubInTown #GCIschZüri #Sächsfoif

  3. MEISTERTRAINER NEMANJA KOVAČEVIĆ | GC ZÜRI BASKETBALL | SÄCHSFOIF #270
    17.06., 20:0200:28:00

    Schwiizerdütsch: Sit 2023 isch de Nemanja Head Coach vo GC Züri Basketball. De ehemalig Profibasketballer het 18 Jahr i verschiedene europäische Länder gspielt gha, bevor er Trainer worde isch. Unter sinere Leitig het GC Basketball 2026 de Ufstig i d NLA gschafft. mit ere Mannschaft, wo grössteteils us de eigene Academy use cho isch. Im GCZ-Fan Podcast redet de Trainer über sini Karriere, Ziel und sini Gschicht. Jetzt ahlose und Hopp GC Züri! English: Since 2023, Nemanja Kovačević has been the Head Coach of GC Zürich Basketball. The former professional player spent 18 years competing in several European countries before moving into coaching. Under his leadership, GC Basketball earned promotion to Switzerland’s top division, the NLA, in 2026 with a team largely developed through the club’s own Academy. In the GCZ Fan Podcast, Nemanja talks about his playing and coaching journey, his philosophy of player development, and the story behind GC Basketball’s remarkable rise.

  4. FIFA WM 2026: WÄR WIRD WELTMEISTER? I SCHWIZER NATI-KADERANALYSE & TODESGRUPPE I SÄCHSFOIF #269
    10.06., 00:0100:55:06

    Jetzt unter dem Link gratis mitmache für d SRF Tippgruppe. De Dario und de Stephan nähmed s Schwiizer WM-Ufgebot under d Lupe, diskutiered über möglichi Alternative fürs Kader und gäbed d Tipps für d Gruppephase ab. Dezue redemer über d Favorite, d Gheimfavorite und d Überraschigsteams vo dere FIFA WM 2026. Eh ehrlichi Analyse und gnueg Stoff für alli Fuessballfans. Viel Spass bim ahlose und Hopp Schwiiz!

  5. ANDREAS CSONKA PRÄSIDENT ZENTRALVORSTAND GC ZÜRI I SÄCHSFOIF #268
    05.06., 12:3201:53:08

    Ih dere Episode vom GCZ-Podcast Sächsfoif reded de Dario und de Stephan mit em Andreas Csonka über d Zuekunft vom Grasshopper Club Züri, d Rolle vom Zentralvorstand und was d „GC-DNA“ hüt überhaupt no bedütet. Es gaht um Identität, Nachhaltigkeit im Zürcher Fuessball, d Realität hinter de Finanze im Spitzesport und warum Erfolg i de Schwiiz nöd eifach a Profit messbar isch. Anderi Theme sind d GCZ-Sektione, e möglicha fanowned-Zuekunft, d Strategie hinder Manne- und Frauefuessball und sogar d Frag, ob Padel irgendwenn Teil vo GC Züri werde chönnt. E persönlichs und ehrlichs Gspröch über Tradition, Verantwortig und d Zuekunft vom ältiste Sportclub vo Züri. Viel Spass bim ahlose und Hopp GCZ! #FirstClubInTown #GCIschZüri #Sächsfoif

  6. GC AMICITIA ZÜRI ISCH DOUBLESIEGER! I GCZ-BASKETBALL STIIGT ALS MEISTER UF! I GCZ-NEWS & GC 3 IM LEGENDESPIEL I SÄCHSFOIF #267
    02.06., 20:2800:37:57

    GCZ-News zum fiire: GC Amicitia Züri het Vereinsgschicht gschribe und sich mit em Meistertitel im Frauehandball s Double (Cup & Meister) gsicheret. Im entscheidende 5. Finalspiel hännd d Zürcherinne de LC Brühl mit 25:22 bezwunge und de erschti Meistertitel sit de Fusion 2010 gholt. Au d GC Züri Basketballer hännd Grund zum juble: Mit em 3:2 ih de Finalserie gege Bernex Basket sind sie NLB-Meister worde und stiiged id NLA uf. Demit fiired d GC Züri-Familie es historischs Erfolgs-Wuchenend mit grad zwei Meistertitel. Das und no meh Theme, findsch ih de neuste Episode vom GCZ-Fan-Podcast Sächsfoif. Viel Spass bim ahlose und Hopp GCZ! #FirstClubInTown #GCIschZüri #Sächsfoif

  7. BARRAGE-HATTRICK & LIGAERHALT! I WELLI SPIELER VERLÖNND ZÜRI JETZT? I SÄCHSFOIF #266
    28.05., 06:3700:54:41

    Es isch gschafft! GC Züri bliebt nachem Drama im Letzigrund ide Super League! Nach Verlängerig günnt GC Züri gege de FC Aarau. Jetzt hämmer Ziit zum dureschnuufe, chönnd s Kader nomal ahluege und eus uf die neui Saison fokussiere. Viel Spass bim ahlose und Hopp GCZ! #FirstClubInTown #GCIschZüri #Sächsfoif

  8. SÄCHSFOIF CLASSIC: AMIR ABRASHI
    26.05., 00:0100:33:03

    Sächsfoif #17 Mitem Amir Abrashi (26.05.2023) "Oh Captain, my Captain!" Der GC Zürich Captain Amir Abrashi ist zu Gast im GCZ Fan Podcast. Amir spricht über seine Herkunft, über seine längste Verletzung und seinen Weg bis ins Profigeschäft. Mit über 200 Pflichtspielen für den Stadtclub aus dem Zürcher Kreis 1, zählt der Mittelfeld-Terrier zu einem der wichtigsten Identifikationsfiguren des GC Zürich aus den letzten 20 Jahren.

  9. SO GÜNNT GC ZÜRI S BARRAGE-DUELL! I UNENTSCHIEDE GEGE DE FC AARAU I SIEG MIT DE U21 GEGE LS I SÄCHSFOIF #265
    19.05., 02:2700:47:24

    Mitere verstärchte U21 günnt GC Züri in Lausanne vor leere Sitz: Demit startet d Stadtzürcher miteme Sieg id Barrage. Doch s 1:3 het no kein ufwind bracht. Nachem 0:0 gege Aarau staht am Dunnstig s Rückspiel im Letzigrund ah. de Luca und de Stephan reded über die beide Spiel und wie GC Züri ih de Super League chan bliebe. Viel Spass bim ahlose und Hopp GCZ! #FirstClubInTown #GCIschZüri #Sächsfoif

  10. SIEG GEGE WIN & VORSCHAU LS VS GCZ I ALLES ZUM BARRAGE-SPIEL GEGE AARAU! I SÄCHSFOIF #264
    16.05., 12:4300:46:26

    GC Amicitia Züri kämpft um de nächscht Titel: Nach em souveräne Halbfinal-Sieg gege de LK Zug gönnd d Zürcherinne mit riesigem Selbstvertraue ih die Finalserie gege de LC Brühl. Mir reded über de starke Uftritt vom GCZ, de Cupfinal-Rematch und d Chance uf s Double. Im Fuessball luegemer zrugg uf de wichtige 3:2-Sieg vom GCZ gege Winterthur und werfed en Blick uf s Geischterspiel uswärts bi Lausanne-Sport. Was bedütet d Partie no vor de alles entscheidende Barrage? Und genau die staht im Mittelpunkt vo dere Episode: GC Züri gege de FC Aarau, es Traditionsduell um d Super League! Mir thematisiered Aarau, s dramatische Saisonfinale, reded über d Stärche vo beidne Teams und was die Barrage so explosiv macht. Brügglifeld und Letzigrund werded brenne dur GC Züri. Viel Spass bim ahlose und Hopp GCZ! #FirstClubInTown #GCIschZüri #Sächsfoif

  11. DERBYNIEDERLAG NACH DE UMSTRITTENE ROTE CHARTE I HÄTT DE VEREIN NO EH ZUEKUNFT? I SÄCHSFOIF #263
    12.05., 02:3300:56:41

    Ih de hütige Episode vom GCZ-Fan-Podcast Sächsfoif reded de Dario und de Luca über d Derbyniederlag. Nebed em Hauptthema redemer au über eusi Basketballerinne und d Handballerinne. Au dasmal entscheided d GCZ-Community mit, über d Theme vo de Episode und reded über d Zuekunft vo GC Züri. Viel Spass bim ahlose und Hopp GCZ! #FirstClubInTown #GCIschZüri #Sächsfoif

  12. SÄCHSFOIF CLASSIC: NOEL SEILER UND ELIA SEILER
    09.05., 12:3200:39:42

    Sächsfoif #82 GCZ-Unihockeyspieler Noël Seiler und Elia Seiler (09.05.2024) Noël Seiler, ein angehender Profispieler, steht kurz vor seinem Wechsel in die schwedische Profiliga, während er gleichzeitig seine Lehramtsausbildung vorantreibt. Sein Bruder Elia spielt bereits seine zweite Saison beim ⁠GCZ-Unihockey⁠ in der NLA und absolviert eine KV-Ausbildung. In der vergangenen Saison musste sich das GCZ-Team im Halbfinale gegen Zug geschlagen geben, trotz eines starken Einsatzes. Dennoch können die Seiler-Brüder und das Team stolz auf ihre Leistungen zurückblicken. Die Zukunft verspricht weiterhin Erfolg für Noël und Elia, sowohl auf dem Spielfeld als auch im Beruf. Ihr Engagement zeigt, dass sie bereit sind, die Herausforderungen anzunehmen und ihren Weg zu gehen. Hier findest du den GCZ-Podcast Sächsfoif auf ⁠Instagram ⁠, wir freuen uns über deine Rückmeldung. Hopp GCZ!

  13. MIR SIND GC ZÜRI, ABER WER FÜEHRT DE VEREIN EIGENTLICH? I ZEIDLER AB SOFORT NEUE GCZ-TRAINER! I WO FINDET S BARRAGE-SPIEL STATT? I SÄCHSFOIF #262
    04.05., 22:1601:06:26

    Im GCZ-Podcast Sächsfoif gahts um d Krise bim GCZ und de Start vom neue Trainer Peter Zeidler. Er setzt voll uf Teamgeist, Energie und Kampf im Abstiegskampf. De Sportchef Alain Sutter gseht ihn als wichtigi und emotionali Figur für d Mannschaft. Thematisiert wird au de Tod vom Nachwuchstrainer Franco Marzullo sowie d 0:2-Niederlag gege Servette mit de Rote Charte, em Eigegoal und de wiederholende Enttüüschig. Zusätzlich wachst de Frust vo de Fans gege de LAFC und d Clubfüehrig. Offe bliibt au no d Frag nach eme Stadion für e möglichi Barrage. Viel Spass bim ahlose und Hopp GCZ! #FirstClubInTown #GCIschZüri #Sächsfoif

  14. SCHALTER UMLEGGE UND ZEMMESTAH! I EH GCZ-LEGENDE WIRD UNBROKEN-MITGLIED?! I SÄCHSFOIF #261
    27.04., 22:3500:51:42

    Im Sächsfoif GCZ-Fan-Podcast mitem Luca und em Stephan gahts um die Theme: D Sieger vom Grasshopper Cup stönnd fest, mir fiired de Event nomal im Podcast nah. D GCZ-Fraue verlüred s AWSL-Viertelfinal-Hispiel im Letzigrund gege de FC mit 0:2 und stönd vor ere schwierige aber machbare Uusgangslag. Verpass das Spiel nöd und hol dir jetzt d Tickets unter dem Link. Im Fanumfeld gits News, GC Züri-Legende Richard Nuñez isch neu bim offizielle Fanclub The Unbroken 1886 debi. Jetzt chasch du au Mitglied werde unter dem Link. De ehemalig GCZ-Leihspieler Bara Sapoko Ndiaye het sis Startelfdebüt für Bayern Münche gäh, uswärts gege Mainz ih de Mewa Arena, im linke Mittelfeld. Sportlich verlürt GC Züri im Letzi gege Luzern mit 1:2: Nach ere 1:0-Füehrig dur de Hassane ih de 37. Minute verpasst Züri d Entscheidig, bevor Luzern nach de Pause mit em Joker Spadanuda s Spiel dreht. De echti Stadtclub findet kei Reaktion meh und bliibt im Abstiegskampf unter Druck. Zuesätzlich sorgt ih de Kurve s Banner gege d Füehrig für Diskussione. Bitte entschuldiged d Audioproblem während de Episode. Viel Spass und Hopp GCZ! #FirstClubInTown #GCIschZüri #Sächsfoif

  15. KOLLAPS IM CUP HALBFINAL! I MIR BRAUED ES EIGNIGS GCZ-BIER?! I DERBYFIEBER IDE PLAYOFFS I WELTKLASS-SQUASH IM ZÜRCHER HB I SÄCHSFOIF #260
    20.04., 21:5201:27:48

    Kollaps im Cup-Halbfinal, Derbyfieber ide Playoffs und Weltklass-Squash im Zürcher HB. Mir reded über de Grasshopper Cup im HB (21.–26. April), wo Stars wie Diego Elias und Karim Gawad uf höchstem Niveau spieled und Squash z mitzt ih eusi Stadt bringed. Hol dir jetzt d Tickets für de Grasshopper Cup unter dem Link. Denn d Jenny Dürst: en härte Weg uf de ITF-Tour, viel Reis, Verletzige und trotzdem klari Ziele im Spitzesport mit GC Tennis. Im Frauefussball staht GC Züri ih de Playoffs gege de FC im Derby, alles oder nüt ih zwei Spiel. Verpass uf kein Fall s Rückspiel und unterstütz GC Züri gege de FC, da findsch de Link für d Tickets vo blauwiss. Und zum Schluss de Cup-Halbfinal gege Lausanne-Ouchy: GC Züri dominiert Phasewiis, verpasst aber s Goal und bricht nach em Rückstand ih, verdient 0:2 am Schluss. #FirstClubInTown #GCIschZüri #Sächsfoif

  16. DIREKTABSTIEG VOM TISCH!? | GCZ-U17 GÜNNT DE CUPFINAL! | DE GROSSI CUPHALBFINAL-USBLICK GEGE SLO | SÄCHSFOIF #259
    13.04., 21:3301:16:36

    Direktabstieg vom Tisch!? Während die erscht Mannschaft um jede Punkt kämpft, gits starchi News vo de Nachwuchsfront: D GCZ-U17 holt sich de Cup mit em 2:1 Sieg gege Basel in Biel, ganz starch! Au international glänzed d GC Züri-Spielerinne: D U19-Fraue-Nati gwünnt zweimal, mit entscheidende Züri-Power. Abseits vom Platz gits Wechsel ide Füehrig, während sportlich scho de nöchsti Hammer wartet: De Cup-Halbfinal uswärts gege Stade Lausanne-Ouchy. Alles parat für en heisse Fight, Sächsfoif - Din GCZ-Podcast isch debii! Viel Spass bim ahlose und Hopp GCZ! Wird jetzt Miglied vom neue GCZ-Fan Club! Meh über The Unbroken 1886 erfahrsch da uf dem Link. #FirstClubInTown #GCIschZüri #Sächsfoif

  17. RASSISMUS-SKANDAL BIM U20-SPIEL & LETZIGRUND-DEBÜT VO GC UNIFIED | SPIELRÜCKBLICK GCZ VS SIO | SÄCHSFOIF #258
    07.04., 20:5601:02:26

    Eh bewegts Wuchenend für GC Züri: Im Mittelpunkt staht en schwerwiegende Rassismus-Vorfall im U20-Spiel gege Luzern, wo d GCZ-Stürmerin Deborah Kabela involviert gsi isch. Für Züri isch klar: Rassismus het kei Platz im Fuessball, jetzt bruchts Konsequenze! Sportlich gits gmischti News: Die 1. Mannschaft verlürt klar 0:4 gege Sion und zeigt vor allem im Abschluss eh Schwächi. Glichzitig gits aber au Positivs: D U17 vo GC Züri spielt am 8. April 2026 de Cupfinal gege Basel, und ih de Schwiizer U19-Nati sind grad mehreri GCZ-Spielerinne im Ihsatz, es starchs Zeiche für d Nachwuchsarbet vom erste Club vo de Stadt.. Ebefalls erfreulich: S GC Unified Team günnt 4:0 und zeigt, wie verbindend Fuessball sii chan. Du bisch no keis Mitglied vo de GC Züri Fuessball Sektion? Denn chasch dich ⁠⁠⁠⁠⁠jetzt unter dem Link ahmelde⁠⁠⁠⁠⁠. Nöd vergesse: Folg em⁠⁠ ⁠⁠⁠Instagram-Kanal vom GCZ-Podcast Sächsfoif⁠⁠,⁠⁠⁠ zum kei Neuigkeite z verpasse, rund um euse Herzensclub! Viel Spass und Hopp GCZ! #DeEchtiStadtclub #FirstClubInTown #GCIschZüri

  18. SÄCHSFOIF CLASSIC: DIE ERSTI EPISODE
    04.04., 00:0100:53:09

    Hüt vor genau 3 Jahr isch die ersti Episode vom GCZ-Fan-Podcast Sächsfoif veröffentlicht worde. Was Ussere Schnapsidee während de Zugfahrt vo St. Galle uf Züri entstande isch, hätt sich zumne ernsthafte Herzensprojekt entwicklet. De Stephan Wernli hätt de Podcast 2023 gstartet, und witer entwicklet. Doch Dank em Dario und em Luca het sich s Niveau nomal gsteigered, gmeinsam hemmer s Format "Spielanalyse" neu ihgfüehrt was als Podcast schwiizwiit nonig etabliert worde isch. Persönlichi Wort vom Stephan: Dank em Luca und em Dario gits de GCZ-Fan-Podcast noh. Weg eu han ich die Chraft gha zum das Herzensprojekt wiiter z zieh. Ihr hennd mich stets motiviert und mich unterstützt ih de schwerste Täg vo mim Lebe. Dank eu gits de Podcast no und es macht mir unglaublich viel Freud. Ihr sind de Grund, warum ich hüt GC Züri so fest liebe und verfolge. Mit eu han ich nöd nur tolli Hosts ah minere Siite, sondern au echti Fründe fürs Lebe. Ah alli Hörer vom GCZ-Podcast: Ohni eu hetts das niemals geh. Sit Tag 1 machemer de Podcast gratis. Ich han x-Tuusig Stunde ah das ganze geh ohni jemals Geld z verdiene. De Podcast hett mir persönlich soviel gnoh aber au alles geh. Ich han nur eis im Sinn, GC Züri für alli no sichtbarer z mache. Danke, dass de Podcast und alli 12 Sektione dur eu lebed. Knapp 8'000 Hörer pro Monet verfolged euse Podcast, doch d Liebi zu eu chammer nöd ih Wort fasse. Au wenn ich nöd all Hörer persönlich kenne, schätz ich jedi konstruktivi Meinig und bin dankbar für eui Ziit und de Ustuusch. #GCIschZüri

  19. EHEMALIGE GCZ-SPIELER ELVIR ZUKAJ | „WÜRSCH WIEDER ZRUGG ZUM GCZ CHO?“ | SÄCHSFOIF #257
    30.03., 00:0100:30:33

    Ih dere Episode vom Sächsfoif GCZ-Podcast hämmer en spannende Gast: De Elvir Zukaj. Mir reded mit ihm über sini Fuessballreis, vo de erschte Schritt ih de Region bis id Profi-Ziit bim Grasshopper Club Züri. Er verzellt, wie alles agfange hätt, was ihn als junge Spieler prägt hätt und wie de Übergang vom Amateur- zum Profifuessball für ihn gsi isch. Natürlich gömmer au uf sini Zit bim GCZ ih, wo er sini erste Erfahrige 1. Mannschaft gmacht hätt und wänn gnau de Moment cho isch, wo er gmerkt het: «Jetzt bin ich wüki aacho.» Mir reded au über sini physische Präsenz als Inneverteidiger, wer ihn uf sim Weg unterstützt hätt und wie er sich taktisch und mental witerentwicklet. Es git au en persönliche Ihblick ih sini Erfahrig mit de albanische Nationalmannschaft, eh speziells Kapitel für ihn und sini Familie. Aktuell spielt er bim Bahlinger SC in Dütschland, drum luegemer au, was ihn zu dem Schritt bewegt hätt und was sini Ziel für d Zuekunft sind. Zum Schluss wirds no chli persönlicher: Was wür er mache ohni Fuessball? Und wie wür er reagiere, wenn GC Züri morn wieder würd ahlüte? (Bildquelle: GCZ) Du bisch no keis Mitglied vo de GC Züri Fuessball Sektion? Denn chasch dich ⁠⁠⁠⁠⁠jetzt unter dem Link ahmelde⁠⁠⁠⁠⁠. Nöd vergesse: Folg em⁠⁠ ⁠⁠⁠Instagram-Kanal vom GCZ-Podcast Sächsfoif⁠⁠,⁠⁠⁠ zum kei Neuigkeite z verpasse, rund um euse Herzensclub! Viel Spass und Hopp GCZ! #DeEchtiStadtclub #FirstClubInTown #GCIschZüri

  20. PROJEKT GSCHIITERET?! RISIKOSTRATEGIE OHNI PLAN | GCZ-CURLERINNE SIND WELTMEISTER! | SÄCHSFOIF #256
    23.03., 21:2700:47:00

    De Dario, de Luca und de Stephan nehmed keis Blatt vors Muul und reded offe über alles, was aktuell bi GC Züri lauft. Mir zelebriered eusi Schwiizer Curlerinne aber reded au drüber was im Fuessball falsch lauft. Eh Episode voller Gegesätz. Vom historische WM-Gold vo de GCZ-Curlerinne über d Nachwuchs-Teams bis zu de GC Züri-Spieler im Nationalteam, mir luegeds gmeinsam ah. Im GCZ-Forum teilemer eusi Meinig zum Alain Sutter, em Trainerwechsel und was grad bim Verein schief lauft. Natürlich erwähnemer au d 5:0-Klatsche gegen SFC und diskutiered, wies im Team lauft, wos brennt und wo neui Energie nötig isch. Du bisch no keis Mitglied vo de GC Züri Fuessball Sektion? Denn chasch dich ⁠⁠⁠⁠⁠jetzt unter dem Link ahmelde⁠⁠⁠⁠⁠. Nöd vergesse: Folg em⁠⁠ ⁠⁠⁠Instagram-Kanal vom GCZ-Podcast Sächsfoif⁠⁠,⁠⁠⁠ zum kei Neuigkeite z verpasse, rund um euse Herzensclub! Viel Spass und Hopp GCZ! #DeEchtiStadtclub #FirstClubInTown #GCIschZüri

12 Sektione, 2 Farbe & 1 Verein - Jedi Wuche eh neui Episode  Herzlich Willkomme zum erste GC Züri-Podcast sit em 4. April 2023 - Vo Fans, für Fans. Ah dem Ort wo Emotione, Liideschaft und die pulsierend Energie vo Züri ufenand treffed! De Stephan öffnet für dich d Türe zunere Welt voller Sport- und Fuessballträum - Entdeck die unverglichliche Atmosphäre vo GC Züri! Schlüss dich eus ah und lah dich vo de Energie und em Zauber vo de 12 Grasshopper Club Züri Sektione mitrisse - Da schlaht s Herz vom Zürcher Sport! #GCIschZüri #FirstClubInTown