Sächsfoif – GCZ-Fan-Podcast

Im GCZ-Fan-Podcast Sächsfoif reded de Dario und de Stephan über GC Züri, wo im erschte Spiel under em Olaf Janssen defensiv meh Struktur an Tag leit, offensiv aber chuum Idee zeigt. YB nutzt zwei Chance direkt nach de Pause und günnt verdient mit 0:2. Jetzt muess blauwiis im Cup gege Grenche vor allem offensiv e Reaktion zeige. Viel Spass und Hopp GCZ! #FirstClubInTown #GCIschZüri #Sächsfoif

Im GCZ-Fan-Podcast Sächsfoif reded de Dario und de Stephan übers Spiel vo de GC Züri Fraue, ih de wohl erste Spielanalyse als Podcast vomne Ligaspiel vo de Womens Super League. Gad mit 4:1 schiked d Stadtzürcherinne de Fuessballclub hei und setzed es Usruefezeiche. Neb de Analyse diskutieremer au über d Saison und natürlich über euse oder eusi “Woman of the Match". Viel Spass und Hopp GCZ! #FirstClubInTown #GCIschZüri #Sächsfoif

Nach über 15 Jahr simmer zrugg: GC Züri startet als Ufstieger ih die neui Saison vo de Swiss Basketball League. Züri isch erstklassig und gad im erste Match gahts in Oerlike zur Sach, D Lions vo Genf sind z Gast ih eusere Halle. Im GCZ-Fan-Podcast Sächsfoif reded de Stephan mit de beide Ufstiegshelde Mila und Malik über die letschti Saison, über d Vorbereitig vo de neue Saison und d SBL. Viel Spass und Hopp GCZ! #FirstClubInTown #GCIschZüri #Sächsfoif

Nachem 1:5 gege Luzern ischs also bschlosseni Sach, de Peter Zeidler isch nümme Trainer vom Grasshopper Club Züri. De Rekordmeister usem Chreis 1 reagiert postwendend nach de zweite Niederlag in Serie. Im GCZ-Fan-Podcast Sächsfoif reded de Luca und de Stephan über s Spiel, über de Verein und d Trainerthematik. Viel Spass und Hopp GCZ! #FirstClubInTown #GCIschZüri #Sächsfoif

Nachdem GC Züri z letscht 3 Spiel in Folg nöd verlore hätt ischs jetzt sowit: GC Züri verlürt gege de FC Sion dütlich mit 2:5. Im GCZ-Fan-Podcast Sächsfoif reded de Luca und de Stephan über de Match. Schlussendlich simmer eus einer Meinig: Zurecht verlore, aber z höch. Jetzt gilt de Fokus uf s nögste Spiel gege de FC Luzern. Viel Spass und Hopp GCZ! #FirstClubInTown #GCIschZüri #Sächsfoif

Bitte entschuldiged d Audioqualität. Es handlet sich um eh Remote-Episode wo nöd alli Teilnehmer Mikrofon zur verfüegig gha hennd. Glich hemmer eusi Ziit und viel Liebi ih die Episode investiert. Herzliche Dank fürs Verständnis. Gmeinsam mitem Niels vom FC Thun-Fan-Podcast reded de Dario, de Luca und de Stephan über de vergangeni Match. GC Züri schlaht Thun mit 0:1 und fahrt die nögste 3 Pünkt ih. Ih dere Episode analysieremer de Match und gönnd uf s Gastgeberteam usem Berner Oberland ih. Viel Spass und Hopp GCZ! #FirstClubInTown #GCIschZüri #Sächsfoif

GC Züri spielt es starchs Derby, isch über wiiti Strecke s bessere Team und het eigentlich gnueg Chance für de Sieg. Nachem 0:1 reagiert De ersti Club vo Züri mit em 1:1 vom Sächsfoif Man of the Match Krasniqi, d Zürcher verschüssed denn aber en Penalty und kassiert spat no s 1:2. I de 96. Minute rettet de Pllana mit em Chopfball zum 2:2 doch no en verdiente Punkt. Trotz de schwache Chanceuswertig zeigt de GCZ Moral und am Samstig gahts uf Thun. Viel Spass und Hopp GCZ! #FirstClubInTown #GCIschZüri #Sächsfoif

De Luca und de Stephan lueged uf de 2:0-Heimsieg vom GCZ gege St. Galle zrugg. Am 140-Jahr-Jubiläum holt Züri verdient de erscht Saisonsieg: De Amir Abrashi bringt GC Züri in Füehrig, de Young-Jun Lee sorgt ih de zweite Halbziit für de 2:0-Endstand. Trotz weniger Ballbsitz überzüged d Stadtzürcher in blauwiiss mit ere kompakte Defensive und isch ih de entscheidende Momänt effizienter. Im Sächsfoif-Podcast gits d Analyse vo de Ufstellig, de Schlüsselszene, em Man of the Match und de Blick uf s 295. Zürcher Derby. Viel Spass und Hopp GCZ! #FirstClubInTown #GCIschZüri #Sächsfoif

GC Züri verlürt im Ländle trotz em 2:2-Pausestand dütlich mit 2:5. Nach ere usglichene erste Halbziit verlürt Züri nach de Pause komplett de Zuegriff. Vaduz nutzt die defensivi Schwächi iischalt us, vor allem de Dalipi und de Cabrera sind nöd in Griff z becho gsi für d Stadtzürcher. Für GC Züri ischs en sehr bittere Rückschlag und scho s nöchste Alarmzeiche ih dem Saisonstart. Viel Spass und Hopp GCZ! #FirstClubInTown #GCIschZüri #Sächsfoif

Ih dere Episode VOM GCZ-Fan-Podcast hämmer wieder einigi Theme ufem Programm : D „Heimspiel“ gege St. Galle, de FC und YB, de Cup-Gegner Grenche und de Neuzuegang Manex Guibelalde. S Spiel gege Sion wird verschobe und dezue no: 140 Jahr Grasshopper Club Züri, s Comeback vo de GCZ-Legände Richard Núñez, d Jubiläumswuche und s Zürcher Derby. Und au transfermässig chönnt no einiges gah, unter anderem wird über de Omar Rekik spekuliert. Viel Spass und Hopp GCZ! #FirstClubInTown #GCIschZüri #Sächsfoif

Am Fritig 14. August 2026 simmer z Gast gsi bim Studio Bellerive, de Christian Jungen hätt de Dario, de Luca und de Stephan ihglade für eh neui Episode. Ade Chrüzstrass hemmer über s Zurich Film Festival gred, de Stars us Hollywood und neui Insights zu GC Züri. Verpass die neusti Episode vom GCZ-Fan-Podcast uf kein Fall. De Christian Jungen isch sit churzem neue Mitinhaber vom ZFF und mir sind stolz druff, dass er bereits zum 4. Mal im Podcast isch. Bitte entschuldiged d Tonqualität. Mir hännd eus wüki sehr bemüeht, dass es so guet wie möglich tönt und hennd sie knapp 2,5 Stund lang bearbeitet. Viele Dank für eues Verständnis und Vertraue ih s Herzensprojekt Podcast. Viel Spass und Hopp GCZ! #FirstClubInTown #GCIschZüri #Sächsfoif

Eh bsunderi Episode vom GCZ-Fan-Podcast Sächsfoif ih Kollaboration mit em Servette-Podcast. Mir analysiered d 1:2-Niederlag vo GC Züri gege Servette, reded über d Ufstellig, d Schlüsselszene ih de beide Halbziite und de Man of the Match. Zusätzlich gits verschiedeni Perspektive uf de Saisonstart vo Servette und Züri. Herzliche Dank ah d Hosts vom Servettiens-Podcast: Bijan, David und Momen! Viel Spass bim ahlose und Hopp GC Züri! #FirstClubInTown #GCIschZüri #Sächsfoif

Nach de bittere 1:4-Heimniederlag gege Lugano analysiered de Dario und de Stephan, warum GC Züri nach ere starche erste Halbziit s Spiel komplett us de Hand geh hätt. Im Fokus stönnd die verpassti Chance zum 2:1, die taktische Ahpassige nach de Pause, d Leaderfrag rund um de Amir Abrashi und d Frag, was de Mannschaft no fehlt, zum über 90 Minute uf Super-League-Niveau z besteh. Trotz em klare Resultat gits au positivi Erkenntnis, vor allem us de erste Halbziit. Viel Spass bim ahlose und Hopp GC Züri! #FirstClubInTown #GCIschZüri #Sächsfoif

GC Züri startet mit eme verdiente Punkt ih d Saison 26/27. Mir vom GCZ-Fan-Podcast Sächsfoif analysiered s 1:1 bi Lausanne, reded über die taktischi Ufstellig, d Schlüsselszene vo de erste und zweite Halbziit, d Iwächslige vom Zeidler und s verdiente Usglichsgoal vom Bengondo. Usserdem: Euses Fazit, de Man of the Match und de Usblick uf de nächscht Match im Letzigrund gege Lugano. Viel Spass bim ahlose und Hopp GC Züri! #FirstClubInTown #GCIschZüri #Sächsfoif

Ide hütige Episode vom GCZ-Fan-Podcast redemer über s vergangene Testspiel gege Altach, de Saisoneröffnigsevent in Züri und s Uswärtslibli wo viel Gschicht mitbringt. Zudem luegemer vorwärts, will am Wuchenend staht de Saisonstart gege Lausanne-Sport ah. Viel Spass bim ahlose und Hopp GC Züri! #FirstClubInTown #GCIschZüri #Sächsfoif

GC Züri präsentiert mit em Richard Feuz de neui CEO, während de Bachir Gnom d Zürcher in Richtig KAA Gent verlaht. Mir reded im GCZ-Fan-Podcast über die wichtigste Personalie, s Goalie-Grücht um de Marvin Hübel, de Testspiel-Rückblick gege Panathinaikos und de Cup-Uftakt gege Regesdorf. Viel Spass bim ahlose und Hopp GC Züri! #FirstClubInTown #GCIschZüri #Sächsfoif

GC Züri startet ih es neus Kapitel: D Bridge Football Group isch neu Mehrheitsbsitzer vom Club. D internationali Investoregruppe wott d Stadtzürcher zum Flagship vo ihrem Netzwerk mache und setzt uf en langfristige Ufbau statt schnälli Erfolg. Im Fokus stönnd meh Swissness i de Clubführig, eh stärcheri Nachwuchsförderig und e gsundi finanzielli Entwicklig. Trainer Peter Zeidler und Captain Amir Abrashi hännd de Neustart positiv beurteilt. D Botschaft vo de Pressekonferenz isch klar gsi: Kei grossi Versprechige, sondern Schritt für Schritt wieder meh Stabilität, Vertraue und sportliche Erfolg. Im GCZ-Fan-Podcast Sächsfoif redemer über d Pressekonferenz und die neue Inhaber. Viel Spass bim ahlose und Hopp GC Züri! #FirstClubInTown #GCIschZüri #Sächsfoif

D Landhockey-Sektion vom GCZ hätt eh überragendi Saison hinter sich. Mit em Europacup-Sieg händ d Zürcher Hoppers Vereinsgschicht gschribe und sich international de gröschti Erfolg vo de Sektion gholt. Ih de Meisterschaft isch d Saison zwar mit ere Finalniderlag gege Wettingen z End gange, trotzdem überwiegt eh historischs Jahr. Im Fan-Podcast reded mir mit em Benjamin und em Fabian über ihri Saison, ihri Karriere und was de GCZ im Landhockey so speziell macht. Viel Spass bim ahlose und Hopp GC Züri! #FirstClubInTown #GCIschZüri #Sächsfoif

Sächsfoif #24 GC Amicitia Zürich Handballerinnen Harpa Jónsdóttir, Hannah Bopp & Leonie Aellen (05.07.2023) Im Jahr 2010 fusionierten die beiden Grossclubs auf dem Platz Zürich, die Handballsektion des Grasshopper Club und der ZMC Amicitia Zürich, zu GC Amicitia Zürich. Damit wurde GC Amicitia Zürich zum grössten Handballclub der Schweiz mit jährlich 24-30 Teams und zum einzigen Verein der Schweiz, der sowohl mit Männern wie auch mit Frauen ein NLA-Team hat und bis heute als einziger Verein im Nachwuchs sowohl bei Mädchen wie auch bei den Jungs in sämtlichen Elite-Stufen vertreten ist, jeweils ein 1.Liga Team führt und bei den Männern auch ein NLB-Team als Sprungbrett für eine NLA-Karriere bieten kann. Als GC Amicitia Zürich errangen die Nachwuchsteams seit der Fusion im Jahr 2010 insgesamt 12 Schweizermeister-Titel in den Stufen U13 bis U19. Im Jahr 2022 gelang dem Herrenteam der Gewinn des Schweizer Cups und damit die Rückkehr auf die europäische Bühne. Doch in dieser Episode sprechen wir mit den drei Handballerinnen des Zürcher Stadtclubs GC Amicitia Zürich, Harpa Jónsdóttir, Hannah Bopp & Leonie Aellen. Nicht nur die Karriere im Schweizer Handball werden besprochen, sondern auch etwas heiklere Themen wie die Kinderplanung.

D Schwiizer Nati staht mit 7 Pünkt als Gruppesieger im WM-Sechzehntelfinal. De GCZ hät sini Summertour mit Statione in Embrach, Regensdorf und Urdorf erfolgrich abgschlosse und zum Abschluss s erschte Testspiel gege de FC Chrüzlinge souverän mit 4:0 gunne. Das und no meh gits da im GCZ-Fan-Podcast Sächsfoif. Viel Spass bim ahlose und Hopp GC Züri! Bildquelle: GCZ #FirstClubInTown #GCIschZüri #Sächsfoif