Znüni Pause

#111 omg es git wieder viiell Updates AHHHH!! D NINA ISCH WIDER I DE SCHWIIIZZZZ!! Zudem hani fetti Moodswings willi ufeimal wider mini Täg ha, ich chum fett nöd klaar wenni allei bi und ich tracke jetzt min Zyklus. Ich reagiere no uf en Kommentar vo eu & mer redded über s Thema Usgrenzig bi Fründschafte...

#110 Ich han Geburtstag gha & ich sege ehrlich, früener hani a dem Tag immer sooo viel Erwartige gha i de Tag und vorallem au i anderi Mensche... Sit letschten Geburtstag hani aber sooo es krasses Learning drus zogge und sit dete chani min Geburtstag zu 100% gnüsse <3

#109 Ich schaffe am ESC als Content Creatorin fürs SRF und ha en spannende Iblick hinterd Kulisse & verzell eu chli devooo:)

#108 Ich ha eu vorallem viel z verzelle was di nöchste Wuche so gloffe isch:D Zudem het mir ChatGPT no Frage gstellt wo ich MUES beantworte! xD

#107 Ich warn eu a dere Stell schomal vor: DAS WIRD MIT ABSTAND DI CRINSCHISCHTI FOLG WONI JEMALS UEGLADDE HAN!

#106 Ihr hends eu soooo gwünschht! Es giitt widermaal en Girlstalkkk 🫶🏼 demal mit de Agnes! Mer verzelled vo eusne Erfahrige und gebed eusne Senf zu eune Problem 💅🏻

#105 Wiiiiieee macht mer dass??? Ich find das so es schwierigs Thema & ha selber au scho die Situation gha, dasi mi gern wür distanziere vonere Person... Aber das isch gar nöd so eifach! I dere Folg reddemer allgemein über Mensche, wo eim nöd guet düent & vorallem au, wie mer sich am beste distanziere chan!

#104 I dere Folg gahts drum, wie ich mich fühle, wenn anderi inere Gruppe d Ufmerksamkeit uf sich ziend und sich in Mittelpunkt dränged. Ich redd drüber, wie die dominanti Präsenz bi mir e Unsicherheit uslöst und wie wichtig s isch, sich selber treu z blibe, ohni sich ständig mit anderne z messe.

#103 Ich ha scho i de letschte Podcastfolg gredded, dases möglich isch zum sich selber manipuliere und drum hani das i dere Podcastfolg mal chli gnauer welle aluege! Gad s Thema Selbstliebi isch bi eus allne immer wider es Thema & drum isch das hüt no chli meh im Fokus.

#102 Unter de letschte Folg isch en Kommentar vo eu cho, dasi mal über s Thema Vorträg söll redde. Wie mer geili Vorträg macht & vorallen, wie mer sini Angst überwindet. Imim Studium muesi gfühlt 2x i de Wuche eine mache, vo dem her bini en proooooo

#101 Es passiert mer oft dasi eig huere viel z tue ha, in Stress chume und dur de Stress nacher gar nüt mache! Und am Abig chumi denn i Panik und reg mi über mich selber uf... Gad hüt ischs mer wider passiert & drum hani denkt, ich teil eu mal mini Tipps

#100 omg wie hanis gschafft zum eu insgesammt öppe 5000 minute vollabere?! Ich ha mer vorgno das di 100tschti Folg chli spezieller söll werde. Ich han eu au chli uf Insta gfröged und es isch vorallem de Wunsch cho, zums mit paar Gäst mache xD Drum viel spass, mached eu en Tee oder en geile Snack und gönned eu die volli Stund, woni mi em Schicksal hergibe ahhah.

#99 WER IST WIEDER DA NINA NINA NINA! Zwar leider nanig ide Schwiiz aber immerhin mit me Call :D Sie verzellt wies ihre würklich gaht, di krassiste Erlebnis, Kulturschocks und wie schlimm d Lüüt dete zu ihre teilwis sind...

#98 Die Wuche hani wider mis Nebefach gha & ich ha en ASMR Kanal eröffnet 😃 Zudem isch de Bob Cup vo Redbull gsi, woni min Duume fett verletzt ha & d Chatz vo mim verstorbene Grossvater isch nach 2.5 Jahr gfunde worde wtf!!!!!!!!

#97 Ich han es üübel nices Modul im Studium gha wo ich soo viel glernt han! Über mich, über mini Interesse und vorallem was ich nach em Studium mache möcht! Ich find dass mer das a jedere Schuel sötti mache & drum verzelli eu alli wichtige Pünkt wo ihr für eu chönd bruche <3

#96 Ich bi im Rulantica gsi mit no paar anderne Influencer und ich mus eu umbedingt gossippp verzelle, woni nur euu cha verzelllee! I dere Wuche hani allgemein wider chli min Spark gfunde und verzell eu wie und warum. Ziel im Lebe ha isch es grosses Thema, wo glaub recht unterschezzt wird!

#95 Ich ha wider mal Bock gha uf en Laberpodcast, woni eu verzelle was mi gad beschäftiged & was so di letschte Täg passiert isch! Ich verzelle vom neue Monets Ziel vom Gian und mir, dasi mit Cola ufgwachse bi & NIE Wasser trunke ha, vo minere erste Tanzstund, vom Fan-Moment vo mine Eltere & no vieles meh xD

#94 Lieb ich ihn no? Wenn sött ich schluss mache? Und was isch überhaupt Liebi? All die Frage hend ihr mir gstellt und drum hani i dere Folg drübber gredded, mini Meinig zu dem Thema gseit und eu Frage zemegstellt, zum chli besser chöne usefinde, ob ihr no Gfühl hend und ob ihr glücklich i eure Beziehig sind!

#93 Mer seit 3er Fründschafte sind verfluuecht und chönd niemals funktioniere - es wird immer öpper usgschlosse! Ich bin nöd dere Meinig! Uf jedefall passiert das sehr oft, gad i jüngere Jahre, oder wenn sich nöd alli a di ✨goldige 3er Frünfschafts-Regle✨ haltet. Ich verzelle eu, was die Regle genau sind & wie e 3er Fründschaft chan funktioniere & redde über mini negative aber au positive Erfahrige!

#92 Ich ha widermal e Podcastfolg mit minere Mom ufgno und mer hend über mehreri Themene wie, ob mer schomal ifersüchtig gsi sind, was gueti Beziehigstipps für e gsundi Beziehig sind & wies isch wemmer älter wird…