Podcast

Sächsfoif – GCZ-Fan-Podcast

Stephan Wernli

Sports

289 Episoden · neueste 12.10.

RSS-FeedWebsite

Häufig erwähnt

Episoden

289
  1. SPIELANALYSE GCZ VS SG | NIEDERLAG ZUM JAHRESENDI | SÄCHSFOIF #235
    23.12., 22:1900:36:04

    Mit 1:2 verlürt GC Züri gege SG s letschte Spiel vom Jahr 2025. Churz vor Schluss hetmer no d Möglichkeit gha zum usgliche, schlussendlich ischs leider verdient gsi. Mir hennd z dritte s Spiel nomal analysiert und die wichtigste Pünkt ussegnoh, ah was es glege hät, was mer muss besser mache und vorallem: Wie chömmer nögst Jahr erfolgricher sii? Verpass nöd die letscht Spielanalyse vom GCZ-Fan-Podcast Sächsfoif im Jahr 2025. Viel Spass und Hopp GC Züri! #DeEchtiStadtclub #FirstClubInTown #GCIschZüri

  2. SPIELANALYSE YB VS GCZ | KANTERSIEG FÜR D GSCHICHTSBÜECHER! | SÄCHSFOIF #234
    19.12., 18:4700:41:58

    Gad mit 6:2 bodigt de Zürcher Stadtclub d Berner Young Boys! GC Züri spielt wie gege Sion vo Afang ah mit höchem Pressig und viel Zug uf s Goal vom Heimteam, doch das Mal mit viel meh Erfolg. Im GCZ-Podcast Sächsfoif reded die 3 GC Züri-Fans über s Stadionerlebnis unter de Wuche im Wankdorf, über de Spielverlauf und die kommende Wuche. Jetzt no d GCZ-Wiehnachtsgschänk poschte und verpass nöd de Grasshopper Cup 2026 am Zürcher Hauptbahnhof. Bitte entschuldiged, s Mikrofon vom Stephan isch nöd korrekt verbunde gsi. Viel Spass und Hopp GC Züri! #DeEchtiStadtclub #FirstClubInTown #GCIschZüri

  3. SPIELANALYSE SIO VS GCZ | DRITTI NIEDERLAG IN FOLG! | SÄCHSFOIF #233
    13.12., 21:3800:25:50

    Uswärts bim FC Sion verlürt GC Züri mit 0:1. Mir reded im GCZ-Podcast Sächsfoif über die knapp Niederlag, analysiered die beide Halbziite und erkläred warum mir kein "Sächsfoif - Man of the Match" chönnd bestimme. Nacheme Penalty-Goal für d Sittener, hemmers nöd uf d Reihe bracht zum zrugg cho, trotz ere bessere Afangsphase. Am 17. Dezember staht YB ufem Programm, zämme uf Bern für eusi Liebi! Viel Spass und Hopp GC Züri! #DeEchtiStadtclub #FirstClubInTown #GCIschZüri

  4. SPIELANALYSE GCZ VS SFC | BITTERI NIEDERLAG GEGE SERVETTE | SÄCHSFOIF #232
    07.12., 12:3300:42:04

    Eh bitteri Niederlag! GC Züri verlürt vor niedriger Kulisse im Letzi gege Servette mit 0:1. Im GCZ-Podcast Sächsfoif redemer über de Spielverlauf, wieso mir nöd hännd chönne reagiere uf s Goal trotz de Wechsel und warum d Lag prekär isch. Viel Spass und Hopp GC Züri! #DeEchtiStadtclub #FirstClubInTown #GCIschZüri

  5. SPIELANALYSE CHA VS GCZ | PFLICHTSIEG IM KANTON ZUG & SERVETTE-VORSCHAU | SÄCHSFOIF #231
    04.12., 21:5900:35:11

    Pflichtsieg in Cham! GC Züri günnt mit 1:2 gege d Zuger und staht im Cup-Viertelfinal. Im GCZ-Podcast Sächsfoif redemer über de Match, über s Cup-Feeling und Servette Genf. Viel Spass und Hopp GC Züri! #DeEchtiStadtclub #FirstClubInTown #GCIschZüri

  6. SPIELANALYSE FC VS GCZ | 100 JAHR LETZI VOLL FÜR D FÜCHS, KNAPPI DERBYNIEDERLAG | GCZ-FOTOGRAF & USBLICK UF DIE NÖGSTE SPIEL | SÄCHSFOIF #230
    01.12., 19:3100:50:16

    Im 100-Jahr ihgmietete Rosthuufe startet Züri mit Druck is Stadtderby: höchs Pressing, klari Chance und en aktive Ufritt präged die erst Halbziit. De Muci und de Diaby chömmed mehrmals gföhrlich zum Abschluss, doch de Ball wett nöd is Netz. Nachere unglückliche Defensivaktion dur en Eckball isch s 0:1 für de FC gfalle, en Rückstand, wo am Spielverlauf nöd entsproche het. Nach de Pause verlürt GC Züri ah Tempo und Durchschlagschraft. Trotz de offensive Wechsel blibt die erhoffti Reaktion im Exil us, und bis uf en harmlose Chopfball vom Zvonarek wird s Goal vom Gegner chuum meh ernsthaft prüeft. D Partie endet 0:1, obwohl de Stolz vo Züri insgesamt viel investiert hätt ih dem Match. Nach em Schlusspfiff chunnts no zu hitzige Szene: Zwei FC-Spieler flüged vom Platz, Euse Clemente gseht die gelb Charte. Ih dere Episode vom GCZ-Podcast Sächsfoif redemer über s Spiel, sehr intensiv - Wie au über d Schwäche und Kritikpünkt und em Sächsfoif Man of the Match. Dezue hämmer no ufs Fotografe-Thema ufmerksam gmacht, wie au uf de Usblick vo de nögste Spiel. Chlini Info zu de Fotografe-Thematik: Wie ih de Episode erwähnt wemmer niemert demit persönlich ahgriffe nur eusi Meinig mitteile, vo dem wo mir mitübercho hennd, us dem Grund hännd mir au kei Näme gnennt. Mir sind allne Lüüt dankbar, wo en Bitrag leistet für de Grasshopper Club Züri, egal ob ufem Platz oder au nebem Platz. Bitte entschuldiged die technische Problem mit em Mikrofon. Viel Spass und Hopp GC Züri! #DeEchtiStadtclub #FirstClubInTown #GCIschZüri

  7. SPIELANALYSE GCZ VS BAS | DE SCHWIIZER KLASSIKER | MITEM OTHMAR LUSSI VOM GC-RADIO | SÄCHSFOIF #229
    24.11., 20:4700:52:36

    Ih dere Episode vom GCZ-Podcast Sächsfoif, redemer gmeinsam mitem Othmar vom GC-Radio 86 Live, über de Schwiizer Klassiker. D Zürcher Grasshoppers trenned sich vor fast 8'000 Zueschauerinne und Zueschauer mit 1:1 gege de FC Basel. Usschlaggebend für de Punktgwünn: Neuzuegang Ullmann us Östrrich. Mir reded im Podcast über de Spielverlauf, über d Highlights (inklusive 3 roti Charte!?) und über s kommende Stadtzürcher Derby. Viel Spass und Hopp GC Züri! S Telegramm: Grasshopper Club Zürich – FC Basel 1893 1:1 (1:1) Letzigrund – 7’900 Zueschauer – SR Luca Piccolo Goal: 13. Ullmann 1:0 (Muci), 34. Traoré 1:1 (Shaqiri) GC Züri: Hammel; Abels, Diaby, Stroscio; Marques, Zvonarek, Meyer (62. Mantini), Ullmann (77. Arigoni); Clemente, Muci, Diarrassouba (62. Krasniqi) BAS: Hitz; Tsunemoto (92. Soticek), Barisic, Daniliuc, Schmid; Leroy, Bacanin; Salah (59. Agbonifo), Shaqiri (66. Koindredi), Traoré (59. Otele); Broschinski (46. Ajeti). Bemerkig: Züri ohni Hassane (gsperrt), Abrashi, Bettkober, Giandomenico, Jensen, Lee, Paloschi, Verón Lupi (alli verletzt) und Plange (krank). BAS ohni em Do Nascimento, und Metinho (beidi gsperrt). Gel-Rot: 64. Bacanin (Foul), 74. Marques (Foul), 90. Stroscio (Foul) Verwarnig: 44. Marques (Foul), 61. Bacanin (Foul), 63. Stroscio (Foul), 82. Arigoni (Foul) #DeEchtiStadtclub #FirstClubInTown #GCIschZüri

  8. D GSCHICHT VOM ALFRED DÜRLER | GC-BUECH | SÄCHSFOIF #228
    21.11., 19:1300:14:09

    Usem GC-Buech verzellemer eu hüt d Gschicht vom Alfred Dürler. De Alfred isch in Moskau uf d Welt cho, aber so richtig gross worde isch er in Züri. Sin Lebesweg chan eh grossi Inspiration sii für Lüt mit verruckte Träum si, darum gahts ih dere Episode ganz um Ihn. Hol dir jetzt s GC-Buech und verpasst die Gschichte nöd. Viel Spass und Hopp GC Züri! #DeEchtiStadtclub #FirstClubInTown #GCIschZüri

  9. DE VIERTI GC-FORUM MITEM GERALD SCHEIBLEHNER | SÄCHSFOIF #227
    16.11., 13:2600:37:51

    Ih dere Episode vom GCZ-Podcast Sächsfoif, redemer über de GC-Forum mitem GC Züri Cheftrainer Gerald Scheiblehner. Wie ischs für Ihn gsi vo Östrrich id Schwiiz zieh? Wie isch sin Start gsi, wie het er sich ihglet und wie schätzt er d Situation ih? Die Theme wie au de Veron Lupi, s Sytem und de Nati-Spieler Tim Meyer werded ih dere Episode ahgsproche. Viel Spass und Hopp GC Züri! #DeEchtiStadtclub #FirstClubInTown #GCIschZüri

  10. SPIELANALYSE WIN VS GCZ | SIEG IDE NACHSPIELZIT! | SÄCHSFOIF #226
    09.11., 22:0900:29:07

    Endlich! GC Züri günnt churz vor Schluss gege WIN mit 0:1! Es isch de Muci gsi, wo d Stadtzürcher ide 90+2 befreit und is Glück schüsst. Im GCZ-Podcast Sächsfoif analysieremer s Spiel vo GC Züri und befassed eus ebefalls mitem Heimteam. Viel Spass und Hopp GC Züri! #DeEchtiStadtclub #FirstClubInTown #GCIschZüri

  11. SPIELANALYSE LUZ VS GCZ | SYSTEMABSTURZ | SÄCHSFOIF #224
    02.11., 21:0600:51:58

    Ide Innerschwiiz gaht de Grasshopper Club Züri ohni Pünkt und und ere 0:6 Klatsche hei. Direkt nachem Spiel hemmer die zum Glück nur 90 Minute under d Lupe gno. Mir sind hässig, mir sind frustriert, eus fehled d Wort. Jedoch mümmer Wort zunend bringe und zu de Leistig wo mer ufem Platz zeigt hett. Eusere Meinig nah liiht s Problem nöd eifach ah de Spieler, sondern am ganze System vo dem Konstrukt. Bitte entschuldiged de Usfall vom Stephan sim Mikrofon am Afang. Viel Spass und Hopp GC Züri! #DeEchtiStadtclub #FirstClubInTown #GCIschZüri

  12. SPIELANALYSE GCZ VS YB | ERICH VOGEL, GC AMICITIA ZÜRI-DERBYSIEG & BLUE SPORT | SÄCHSFOIF #223
    01.11., 14:0700:48:07

    Ih dere Episode vom GCZ-Podcast Sächsfoif thematisierem s 3:3 am vergangene Dunnstig zwüsched GC Züri gege YB, wie au s Derby GC Amicitia Züri gege Yellow Winterthur, euses Erlebnis mitem Erich Vogel und reded über d GCZ-Fan Reaktione zu Blue Sport. Viel Spass und Hopp GC Züri! #DeEchtiStadtclub #FirstClubInTown #GCIschZüri

  13. SPIELANALYSE SG VS GCZ | KLARTEXT ZUR NIEDERLAG | SÄCHSFOIF #222
    26.10., 14:1600:44:15

    GC Züri verlürt in SG klar mit 5:0. Eh verdienti Niederlage und im GCZ-Podcast Sächsfoif redemer drüber und gönnd d Szene nomal ih. Eh Therapiestund wo eus wieder zrugg id Realität holt. Viel Spass und Hopp GC Züri! #DeEchtiStadtclub #FirstClubInTown #GCIschZüri

  14. SPIELANALYSE GCZ VS SIO | KEI BLAUWISSI LIBLI MEH? | DARUM SPIELT DE VERON LUPI NÖD! | SÄCHSFOIF #221
    20.10., 00:0200:51:05

    Es isch nöd eifach gsi, trotz dere grosse Euphorie nachem Derbysieg verlürt GC Züri gege de FC Sion mit 0:1. Guet 80 Minute het blauwiss mit 10 Spieler müsse uuscho, da de Verteidiger Saulo Decarli rot kassiert het. Im GCZ-Podcast Sächsfoif redemer wie gwohnt über de Spielverlauf und d Schlüsselszene. Doch au im Basketball gahts zue und her, ufem Feld isch GC Züri z Oerlike am vergangene Wuchenend erfolgrich gsi. Absits vom Feld wird wohl eigewillig ghandlet, denn d Zürcher Basketballer spieled nümme in blauwiss. In London hämmer eh ufregendi Begegnig gha: Euse GCZ-Host hätt d Spieler Plange und Veron Lupi troffe, de Argentinier verzellt wieso er wüki nöd spielt. Nöd verpasse und jetzt innelose, ih die neusti Episode vo dim GCZ-Podcast. Viel Spass und Hopp GC Züri! #DeEchtiStadtclub #FirstClubInTown #GCIschZüri

  15. GCZ-LANDHOCKEY SPIELERINNE TANJA LANDTWING & EMILY ESSER | SÄCHSFOIF #220
    13.10., 00:0200:53:58

    "GC Züri isch eh Familie!" Ih de neuste Episode vom GCZ-Podcast Sächsfoif treffemer uf zwei Spielerinne, wo Landhockey im Herze und Liideschaft im Blut hännd: D Tanja Landtwing und d Emily Esser. Sie reded drüber, wer sie wüki abseits vom Feld sind, wie alles mit em erste Schläger agfange hätt und warum Landhockey für sie meh als nur Sport isch, sogar fast scho Magie. Gmeinsam blickemer uf ihri Persönlichkeite, prägende Moment vo Erfolg und Rückschläg und erfahred, was Teamgeist, Vertraue und Fründschaft für sie bedütet. Und natürlich: welli bsunderi Rolle de Grasshopper Club Züri ih ihrem Lebe spielt. Nöd verpasse: Folg de Instagram-Konte Vo GC-Landhockey und verpass kei Neuigkeite meh. Die Episode isch am 15. September 2025 ufgnoh worde. De Stephan isch bi dere Episode vercheltet gsi und hätt nöd chönne aktiv teilneh. Viel Spass und Hopp GC Zuri! #DeEchtiStadtclub #FirstClubInTown #GCIschZüri

  16. SPIELANALYSE GCZ VS FC | GCZ-FRAUE VS AJAX | REKURSABWIESIG HARDTURM | SÄCHSFOIF #219
    09.10., 20:3200:51:34

    Machtdemonstration! Im 291. Zürcherderby günnt GC Züri mit 3:0 gege de FC. Ih dere Spielanalyse redemer nomal intensiv über de Spieltag, bespreched d Schlüsselszene und fiiret nomal d Nummere 1 vo eusere Stadt. Dezue besprechemer au de Uftritt vo de GC Fraue im Letzigrund gege Ajax Amsterdam ih de 2. Rundi vom UEFA Europa Cup. Au vom Hardturm gits News: D Rekurs sind abgschmetteret worde und jetzt chammer endlich baue, oder? Nöd verpasse und jetzt innelose, ih die neusti Episode vo dim GCZ-Podcast. Viel Spass und Hopp GC Züri! #DeEchtiStadtclub #FirstClubInTown #GCIschZüri

  17. SPIELANALYSE LUG VS GCZ | KEI GC-FANARTIKEL IM 11 TEAMSPORTS? | SÄCHSFOIF #218
    29.09., 21:3600:47:39

    Mit 2:1 und eim Maa weniger verlürt de Grasshopper Club Züri uswärts im Tessin. Im GC Züri-Podcast Sächsfoif befassemer eus mitem Spiel im Tessin, reded wie gwohnt über d Schlüsselszene und de Spielverlauf. Zudem teilemer mit dir, was eus no beschäftigt, nämlich die gross ahkündeti Zemmearbet mit 11 Teamsports, wo fast kei Artikel bechunnt (oder besser gseit gar kei) vom Grasshopper Club Züri. Viel Spass und Hopp GC Züri! #DeEchtiStadtclub #FirstClubInTown #GCIschZüri

  18. HELEN SCHMID & MAILEE WINTERBERG | GC AMICITIA ZÜRI | SÄCHSFOIF #217
    26.09., 18:0700:25:22

    Ih de hütige Episode vom GCZ-Podcast Sächsfoif sind zwei Handballerine z Gast, mit de Helen und de Mailee redemer nöd nur wie sie uf de Handball ufmerksam cho sind, sondern au über anderi GCZ-Sektione und natürlich de Fuessball. Welle Ort isch für Sie d Heimat? und warum söttsch au DU sie unterstütze ide Saalsporthalle ide European League? Das erfahrsch ih de Episode. Bitte entschuldiged d Audioqualität, will nöd alli es Mikrofon gha hännd. Viel Spass und Hopp GC Züri! #DeEchtiStadtclub #FirstClubInTown #GCIschZüri

  19. SPIELANALYSE ACB VS GCZ | EUROPA CUP VS AJAX | SÄCHSFOIF #216
    22.09., 20:5200:37:39

    Mit Ach und Krach chammer scho fast sege, spielt sich de Grasshopper Club Züri in Cup-Achtelfinal. Im Tessin bim AC Bellinzona günnt GC Züri mit 0:1 und spielt im Dezember uswärts bim SC Cham. Ih dere Spielanalyse redemer usfüehrlich über de Cupfight wie auf über die kommendi Europa-Cup Qualifikation gege Ajax Amsterdam. Viel Spass und Hopp GC Zuri! #DeEchtiStadtclub #FirstClubInTown #GCIschZüri

  20. SPIELANALYSE GCZ VS LS | BIIK VS GCZ | SÄCHSFOIF #215
    18.09., 20:2600:29:11

    Am vergangene Wuchenend ischs endlich sowit gsi: GC Züri günnt zum erste Mal ih dere Saison, das mit 3:1 gege LS. Mir befassed eus mitem Spiel und gönnd uf d Schlüsselszene ih. Doch au d GC Fraue sind am Dunnstig zum zweite Mal erfolgrich im Ihsatz gstande, mit 3:1 günned d Zürcherinne im Rückspiel vom Europa Cup in Kasachstan, und erwartet en spannende Gegner für ih de zweite Rundi. Viel Spass und Hopp GC Zuri! #DeEchtiStadtclub #FirstClubInTown #GCIschZüri

12 Sektione, 2 Farbe & 1 Verein - Jedi Wuche eh neui Episode  Herzlich Willkomme zum erste GC Züri-Podcast sit em 4. April 2023 - Vo Fans, für Fans. Ah dem Ort wo Emotione, Liideschaft und die pulsierend Energie vo Züri ufenand treffed! De Stephan öffnet für dich d Türe zunere Welt voller Sport- und Fuessballträum - Entdeck die unverglichliche Atmosphäre vo GC Züri! Schlüss dich eus ah und lah dich vo de Energie und em Zauber vo de 12 Grasshopper Club Züri Sektione mitrisse - Da schlaht s Herz vom Zürcher Sport! #GCIschZüri #FirstClubInTown