FischVerruckt

Fangniid, Spotniid und Social Media: I dere Folge vo Fischverruckt, em erschte Schwiizer Fischerpodcast, redet de Nicco und de Oli über Niid i de Angelszene. Wieso fangt de ander und ich ned? Was passiert, wenn en Kolleg din Angelspot wiiterverzellt? Und warum lösed neui Rute, Rolle und Köder, Sponsoreverträg oder viel Follower mängisch Missgunst us? Mir diskutiered, woher Neid bim Fische chunnt, was er mit Anerkennig und em eigene Selbstbild z tue hed und wie Social Media eus zum Vergliiche bringt. Isch Fangniid hüt stärker als früener – oder eifach sichtbarer? Au d Suechi nach YPC-Spots und Infos us YouTube-Videos chunnt zur Sprach. Und mir fröged eus: Wieso macht eus en Schniidertag mängisch erst denn unzfriede, wenn mer gsehnd, dass öpper anders gfange hed? Zum Schluss wartet no es kniffligs Ranking uf de Nicco, wo de Oli für ihn vorbereitet hed. 🎣 En ehrliche Talk über Fischen, Fischerei und d Freud am Wasser – und drüber, wie mer anderne ihre Erfolg besser cha gönne. Hier kannst du deine Fischermaterial verkaufen: https://fischerinserate.ch/

I dere Episode vom FischVerruckt Podcast gahts um all die Sache, wo euch – und natürlich au eus – am Wasser so richtig uf de Sack gönd. Mir händ d’Community gfragt und redet über eui Antworte, Erfahrige und die eine oder andere Situation, wo wohl jede Fischer kennt. Natürlich gits au wieder News und Infos us de Schwiizer Fischerszene. Und am YPC chömer aktuell natürlich au nöd verbi – mir redet drüber, was bisher passiert isch und was eus besonders ufgfalle isch. Zum Schluss darf natürlich s’obligatorische Rating nöd fehle. Diesmal stellt de Nicco de Oli uf d’Prob.

Ide 57. Episode vom FischVerruckt Podcast sind mir diesmal live am Jungfischer Weekend gsi! 🎙️🎣 Mir sind vor Ort direkt mit em Podcast-Mikrofon am Start gsi und hend verschiedensti spannende Gäscht zum Gespräch begrüesst. Natürlich hend vor allem d’Jungfischerinne und Jungfischer im Mittelpunkt gstande. 👀 Mir hend mit de nächste Generation vo Fischer über ihri Leidenschaft, ihri Fangerlebnis, Lieblingsfisch, Köder und vieles meh gredt. Aber au anderi bekannte und spannende Gäscht us de Fischerszene sind bi eus am Tisch gsässe und hend ihri Geschichte und Erfahrige mit eus teilt. Es isch e ganz spezielli Episode worde – live vor Ort, mit viel junge Fischer, spannende Gspröch und natürlich jede Menge Fischverrucktheit! 😜🎣 Mir säged Danke a alli, wo am Jungfischer Weekend debii gsi sind und eus so zahlreich am Podcast besucht hend! Viel Spass bim Lose und Petri Heil! 🎙️🐟 Nicco & Oli

Ide 56. Episode vom erschte Schwiizer Fischerpodcast Fischverruckt hämmer wieder en bsundere Gast. De Daniel Ducret isch ned nur en leidenschaftliche Fischer und SaNa-Instruktor, sondern au als Gschäftsfüehrer vom Bernisch Kantonale Fischereiverband und als Projektleiter bim Schwiizerische Fischerei-Verband (SFV) tätig. Mir redet mit ihm drüber, wie er überhaupt zude Fischerei cho isch, wie er sis Hobby zum Bruef hed chönne mache und was er eigentlich de ganzi Tag macht. Es grosses Thema isch d Nachwuchsförderig und natürlich au sis Buech, wo er zäme mit wiitere Parteie usebracht het. Näbscht dem gahts um Gwässerschutz, Läbensrüm und d Zuekunft vode Schwiizer Fischerei. E Folg über d Mänsche hinder de Schwiizer Fischerei, über d Arbet und die spezielle Momänt, wo mir als «normali Fischer» gar ned mitbechömed. Also inelose, kommentiere und abonniere! 🎣🎙️ Da sind no die versprochene Links: Netzwerk anglerausbildung https://www.anglerausbildung.ch/ Svf mitgliedschaften https://sfv-fsp.ch/de/mitgliedschaft

🎙️FischVerruckt isch zrugg! Nach de Summerpause sind mir wieder zrugg! In de neuste Folge verzelled mir, was mir i de Ferie erlebt und natürlich au gefischt hend. 🎣 Glichziitig luegemer nach vorne: Weli Theme, Gäste und Idee erwarted eu im nächste halbe Jahr? Und natürlich git’s au dä eint oder ander Blick uf das, was aktuell i de Fischerszene läuft. 👀 Und no öppis Wichtigs: Mir sind immer no uf de Suechi nach ere Frau, wo intressiert wär, bi eus im Podcast mitzrede👀🎙️ Wenn du also öpper kennsch, unbedingt melde! Und ganz wichtig: Losed guet zue – es chönnt wieder öppis z’gwünne geh! 😉🎁 Viel Spass bim Lose und Petri Heil! 🎣 Nicco&Oli

Ide 54. Episode vom erschte Schwiizer Fischerpodcast FischVerruckt begrüessed mir erneut d'Eva Baier vo de Fischwanderig GmbH. Nachdem sie scho vor öppe eim Jahr bi eus z'Gast gsi isch, tauched mir hüt ines spannends und wichtigs Thema ii: de Aal und sis faszinierends Läbe zwüsche Auf- und Abstieg. Mir reded über s'Aal-Projekt, wo d'Eva aktuell begleitet, und erfahred, vor wellne Useforderige die geheimnisvolli Fischart hüt stönd.Wie wandered Aale überhaupt? Wieso sind Wehr und Chraftwärch es Problem? Und was wird konkret gmacht, zum de Bestand z'unterstütze? Natürlich git's nebst de fachliche Theme au wieder öppis zum Schmunzle: Statt de klassische Entweder-oder-Frage muess d'Eva hüt verschiedeni Themene und Situatione bewerte und es ehrlichs Rating abgäh. E spannendi Episode über Fischschutz, Fischwanderig und eini vo de faszinierendste Fischarte vo Europa.Viel Spass bim Lose! Wenn euch d'Folge gfallt, lönd eus es Abo, e Bewertig oder en Kommentar da. So helft ihr mit, dass FischVerruckt no meh Fischerinne und Fischer erreicht. Petri Heil und bis zur nächschte Episode!LVS Geber vo Garmin: https://www.garmin.com/de-CH/p/1908376/Aalwanderung melden: www.fischwanderung.ch/aalLink zum Video Milliarden Dollar Babys: https://youtu.be/QHntd1H56RQ?si=zf2y7S8z2_BjcWeQ

Ide hüttige Episode vom erschte Schwiizer Fischerpodcast FischVerruckt widmed mir eus em Europäische Flussbarsch – eini vo de beliebteste und spannendste Fischarte i eusne Gwässer. Mir verzelled euch alles, was mir über de Barsch wüssed: Wie er läbt, was sini Hauptnahrig isch, wie sich sis Verhalte über s’Jahr verändert und wie ihr ihn möglichst erfolgrich fanget. Natürlich gönd mir au druf ii, weli Köder zu wellere Jahresziit am beschte laufed, wo sich d’Barsche ufhalted und was während de Laichziit passiert. Egal ob ihr scho lang uf Barsch fischet oder grad erst demit afanged – die Episode isch vollpackt mit spannendem Wüsse, praktische Tipps und üsere persönliche Erfahrige am Wasser. Mir wünsched euch viel Spass bim Lose! Lönd üs gern es Abo, e Bewertig oder en Kommentar da und vergässed nid, FischVerruckt z’abonniere. Petri Heil!

Ide 52. Episode vom erschte Schwiizer Fischerpodcast reded mir über eusi Wuche, die neuschte Infos us de Fischerszene und natürlich über euchi spannende Frage us de Community 🎣 Mir hend dasmal ganz vill vo euchne Frage beantwortet und verzelled ausführlich drüber. Zudem hend mir eus de erschte Challenge gstellt, wo ihr eus gäh hend 👀 Wie die Challenge gloffe isch und wär am Schluss gunne het, erfahred ihr ide neuste Folg vo FischVerruckt – em erschte Schwiizer Fischerpodcast! 🔥 Und für alli die wos nanig gmacht hend: abonniere, like und kommentiere!

Ide 51. Episode vom erschte Schwiizer Fischerpodcast FischVerruckt redemer über eine vode faszinierendschte Räuber i eusne Gwässer: de Hecht🎣 Mir gänd euch en spannende Iblick id Biologie, Ökologie und s Frässverhalte vom Esox. Wie jagt de Hecht? Wie funktioniert sin Körperbau? Und warum isch er so perfekt ah sini Umgebig ahpasst? De Link zum Video: https://youtu.be/j03NI2MdS70?is=EsX-60ZSX8HDnRAK Natürlich tüemer au wieder über eui Challanges rede und verrated, wie s det wiitergaht💪🏻 Also loset ine, kommentiered und vergässed s Abonniere ned🎙️

Ide 50. Episode vom erschte Schwiizer Fischerpodcast FischVerruckt hämmer zwei absoluti Top-Gäscht bi eus: De Dario und de Kevin – s Siegerteam vo de WPC 2025 (World Predator Classic)! Die beide nehmed eus mit hinder d Kulisse vo ihrem Erfolg: Was isch während em Turnier i ihne vorgange? Wie hend sie taktisch denkt und was isch entscheidend gsi für de Sieg? Natürlich reded mir au über ihri Technik, Köderwahl und Strategie – perfekt für alli, wo selber meh usehole wänd uf em Wasser. S legendäre Entweder / Oder derf natürlich au nöd fehle und au d Community-Frage werded wieder direkt beantwortet. Also losed ine, lernet vo de Beste und bliibed am Ball 🎣 👉 Vergässed nöd: Abonniere, like und teile! https://doctor-catch.shop/collections/angelbuecher

Ide aktuelle Episode widmed mir eus emene Thema, wo für alli Fischer enorm wichtig isch – Schonziite und Schonmass. Mir lueged das Ganze konkret am Bispiel vo Hecht, Egli und Forelle a und gönd uf de Grund, warum die Regelige überhaupt existiered. Was steckt hinter de Schonziite? Wieso sind Schonmass so entscheidend für nachhaltigs Fische? Und wo lieged die grösste Missverständnis am Wasser? Mir erkläräd euch das verständlich und praxisnah – egal ob Anfänger oder erfahrnige Spinnfischer. Grad jetzt i dere Übergangsphase im Jahr isch es entscheidend, dass mer d’Reglä kennt und richtig umsetzt, damit eusi Fischbeständ langfristig gsund blibed. Natürlich chunnt au de Unterhaltungsteil nöd z’kurz: Mir hend wieder eui Challanges us de Community analysiert, diskutiert und die erschte usepickt, wo mir selber müend umsetze 😅 🎙️ Viel Spass bim Lose vo FischVerruckt – em erschte Schwiizer Fischerpodcast 🐟🔥

Ide 48. Episode vom erschte Schwiizer Fischerpodcast FischVerruckt gahds um es Thema, wo jede Fischer scho mal ghört het: Fischer-Mythe 🎣 Mir hend verschiedeni Persönlichkeite us de Fischerszene – i de Schwiiz und im Usland – gfrogt, was sie vo dene Mythe haltet. Was isch würklich drah? Und was isch eifach nur Stammtisch-Gschwätz? Isch mittags würklich „toti Hose“? Sind Fisch würklich lernresistent? Das sind nur zwei vo villne spannende Mythe, wo mir für euch unter d’Lupä nähmed. Natürlich hend mir au eui Challanges agluegt und direkt im Podcast diskutiert 👀 Vilicht hend mir üs ja scho für eini entschiede…? Was genau passiert und wie’s wiitergaht, erfahred ihr ide neuste Episode vom erschte Schwiizer Fischerpodcast FischVerruckt!

Ide 47. Episode düemer eui Frage beantworte und gönd uf verschiedeni Theme us de Szene ii. Zudem bruched mir eui Meinig: Was für en Challenge selled mir mache? Wer vo eus söll sie mache? Und was passiert, wenn sie ned erfüllt wird? 😄 Also: haued id Taste und schriibet eus eui Idee! Mir sind mega gspannt, was euch alles in Sinn chunnt 🎣🇨🇭 Und vergässed ned: —> Folge —> Abonniere —> Kommentiere

I dere Episode hemmer wieder en ganz bsundere Gascht für euch: de Roman Giacuzzo vo FishXplorer! Mir redet mitem Roman über sini Erfahrige bim YPC, über die intensivi Vorbereitig, d Strategie bim Turnier und natürlich über d Emotione während em Turnier. Wie fühlt sich de Druck a? Was gaht eim dure Chopf und wie gaht mer druf los, wenn jedi Entscheidig zählt? Natürlich gits au wieder spannendi infos us de Szene, ehrlichi Meinige - und euses legendäre Entweder / Oder derf natürlich au ned fehle. S Highlight zum Schluss isch es fetts Gwünnspiel wo uf euch wartet; gsponseret vo FishXplorer! Waser defür müend mache ghöreder wie immer ide aktuelle Episode vom erschte Schwiizer Fischerpodcast! Also: inelose, abonniere und fliessig kommentiere!

I dere Episode vom erschte Schwiizer Fischerpodcast dreiht sich alles um d Schwiizer Sportfischermäss! Gmeinsam mit eusne Gäscht, em Ralf und em Gezi, mached mer en ehrliche Blick zrugg: Was isch guet gloffe? Wo hets Überraschige geh? Und wie fühlts sich a, sone Mäss z organisiere? Mir ziehnd euses persönliche Fazit und redet au über Highlights, spannendi Begegnige und über d Szene sälber. Natürlich chömmed eusi Gäscht ned ums legendäre Entweder / Oder ume😉 Also, e Episode mit Mässehighlights, Hintergrundgschichte und Insights. Inelose, kommentiere und abonniere🎣

Au das Jahr hämmer wieder live vo de Schwiizer Sportfischer Messe e Folge ufneh dörfe und was söll mer säge: Es isch eifach mega gsi! 🎙️🔥 Mit debii gsi sind: Johannes Gasser Enrico di Ventura Simon Torenbeek Max Guder Marius Schepp Paolo Baragioli Danke eu villmal für eui Ziit und die spannende Iiblick i eui Angel-Welt. Mitten im Messe-Trubel e Podcast ufneh isch nöd selbstverständlich das schätzed mir extrem! Mir hend über d’Highlights vo de Schwiizer Sportfischer Messe gredet, über üsi Eindrück diskutiert und natürlich isch au de YPC Bank es grosses Thema gsi. Unterschiedlichi Meinigä, ehrlechi Wort und viel Leidenschaft fürs Fische genau das macht so es Messe-Special us. En riesige Dank gaht au an Ralf und Gezzi, wo das Ganze als Veranstalter möglich gmacht hend. Ohni eu wär das in dere Form gar nöd denkbar gsi danke villmal für d’Plattform! Ganz speziell isch au gsi, dass de Eric, en treue Follower vo eus, unbedingt im Podcast debii sii wollt. So öppis freut eus mega danke für dini Unterstützig! Und natürlich danke mir allne, wo eus erkannt, aagredet und mit eus gredet hend. Eui Feedbacks und die persönliche Begegnige sind für eus nöd selbstverständlich und bedüte eus extrem viel. Merci für es hammer zweits Jahr a de Messe mir freued eus jetzt scho uf s’nächste Mal! 🎣🔥 Tight Lines Nicco & Oli

Ide 43. Episode vom erschte Schwiizer Fischerpodcast FischVerruckt hemmer euse erschti Gascht im neue Jahr und widmet eus ganz dem spannende Thema Köderbau. Gmeinsam mitem Peter Aschwanden redet mit übers Nachebinde vode bekannte Miuras Mouse und erhaltet exklusivi Iblick, was es defür brucht, wie er überhaupt zum Köderbau cho isch und wo die gröschte Useforderige sind. Zuesätzlich gits natürlich wieder intressanti Infos und Neuigkeite us de Fischereiszene, bevor sich euse Gascht im klassische Entweder / Oder bewiese muss. Doch de Peter isch ned mit leere Händ agreist: I dere Episode gits grad zwei Gwünnspieli. Verlost wird en handbundeni, ide Schwiiz hergstellti Mouse vom Peter Aschwanden höchschtpersönlich, sowie zuesätzlich 3x2 Tickets für d'Schwiizer Sportfischermäss. Was ihr defür mache müend, erfahred ihr ide aktuelle Episode. Also drablibe, inelose, like, abonniere und kommentiere - villicht werdet ihr scho bald als Gwünner bekannt geh! Petri Heil und viel spass bim zuelose

Ide 42. Episoden vom erschte Schwiizer Fischerpodcast FischVerruckt redet wieder emal nur de Oli und de Nicco. Gmeinsam lueged mir zrugg ufs vergangene Jahr, redet über eusi High- und Lowlights und teiled spannendi Infos us de Szene. Natürlich waged mir au en chline Usblick ufs kommende Jahr und wie immer derf euses Entweder / Oder ned fehle. Losed ine i die letschti Episode vom aktuelle Jahr, gnüssed jedi Minute und stimmed euch uf es neus, spannends Podcast Jahr i! Mir wünsched euch es frohs neus Jahr und en schöni, erholsami Ziit mit eue Liebschte. Oli& Nicco

I de 41. Episode vom erschte Schwiizer Fischerpodcast FischVerruckt tauched mir tüf i die faszinierendi Wält vode Äsche. Als Gascht isch de Manu Schwander, wo sini interdisziplinäri Abschlussarbet über die bsonderi Fischart verfasst het. Er erchlärt eus, wie sich de Äschebestand ide Aare entwicklet hed, welli Useforderige bestönd und wie d Zuekunft vo dere Fischart in de Schwiz usgseh chönnti. Natürlich stellt er sich allne Frage vo eus, sowie au vode Community. Usserdem verkündet mir d Gwünner vo eusem letschte Gwünnspiel und de Manu stellt sich eusem beliebte Entweder/Oder Quiz mit es paar knifflige Frage. Jetzt inelose, abonniere und like! Mir freued eus wie immer uf euches Feedback! Links: Hydrodaten Bafu: https://www.hydrodaten.admin.ch/de/seen-und-fluesse/messstationen-zustand Blogseite Manu Schwander: https://www.fischermaen.ch/ FIBER: https://www.fischereiberatung.ch/ Fischseuche Blausee: https://www.20min.ch/story/blausee-viren-alarm-fischzucht-muss-200-000-regenbogenforellen-toeten-103450525 PFAS Belastung Zugersee: https://www.srf.ch/news/schweiz/starke-pfas-belastung-sofortiger-verkaufsstopp-fuer-hecht-und-egli-aus-dem-zugersee?fbclid=IwdGRleAOFrFxleHRuA2FlbQIxMQBzcnRjBmFwcF9pZAo2NjI4NTY4Mzc5CGNhbGxzaXRlAjI1AAEe79ogh_xwaRnxsaWyQ4FG3BiaMbShaTAQgaF4VZQcsr62fDJlwSQp8OQ_st0_aem_SJ64xz8NsSBIeAVKC1HEjw

Ide 40. Episode vom erschte Schwiizer Fischerpodcast FischVerruckt hämmer ganz en bsundere Gascht bi eus: De Milan vo Mickey‘s Tackle! Er verzellt eus, wie er zu sim eigene Tacklshop cho isch und warum sis Herz für hochwertigs JDM Tackle vo Marke wie Deps, OSP oder au Megabass schlaht! Zudem hät de Milan es richtig starchs Gwünnspiel mitbracht! Was und wie ihr günne chönnd, erfahred ihr direkt i dere Folg. Und s Beschte: Jede zuehörer kennt nachher de exklusivi 10% Guetschincode für sin Shop und chan sich mit feinschtem JDM Tackle idecke! Wie immer stellt sich euse Gascht muetig am legendäre Entweder/Oder und verratet spannendi Iblick id Schwiizer Fischereiszene. Also: Inelose, abonniere & Kommentiere! Wie immer freuet mir eus uf euches Feedback! Guetschincode: FischVerruckt